Aalisarsimanermut nalunaaruteqarnissap aggustip aallaqqaataa 2019-imut kinguartinneqarnera

Ukioq manna Naalakkersuisuninngaanniit sinerissap qanittuani angallatit 6 meterit l.o.a. qaangerlugu angissusillit, angallatit sinerissap ungasissuani atorneqartartut aammalu angallatit sinerissap qanittuani raajarniassutaasartut kiisalu aalisakkiorfiit tunisassiorfiillu pillugit paasissutissat tunniunneqarnissaannut piffissaliissut kingulleq kinguartissallugu. Kingusinnerpaamillu nalunaaruteqarnissaq aggustip aallaqqaataa 2019-imut kinguartinneqarluni

Inuussutissarsiutigalugu aalisarnermik imaluunniit angallatinik 6 meterit l.o.a. qaangerlugu angissusillit atorlugit aalisarnermik kiisalu nunami tunisassiornermik tunitsiveqarnermillu ingerlataqartut tamarmik nalunaarutiginnittussaatitaapput, suliffimmik ingerlatsinermut ukiumut kingullermut attuumassuteqartunik tunisassiornikkut aningaasaqarnikkullu pissutsinut tunngasunik paasissutissanik nalunaarutiginnittoqassaaq. Umiatsiaaqqat 6 meteritut ataallugilluunniit angissusillit atorlugit aalisartut ilanngunneqanngillat.

2019-imi nalunaarutigineqartussat tassaapput paasissutissat 2018-imi naatsorsuutinut attuumassusillit.

Nalunaaruteqarnerit ugguuna pissapput

https://www.businessingreenland.gl/da/Fiskeri,-Fangst-og-Landbrug/Fiskeriindberetning_2018

Tunisassiorfiit tunitsiviillu aalisartunut nalunaartussaatitaasunut tunisaat pillugit paasissutissanik tunniussinissaq pillugu ikiuunnissaminnut pisussaatitaapput.

Paasissutissat nalunaarutiginnginneranni kukkunersiuisumit naalagaaffimmit akuerineqartumit uppernarsarneqassapput.

Nalunaaruteqanngitsoorneq politiinut unnerluussinermik kinguneqarsinnaavoq.

Inatsisini tunngavigineqartoq:

Inuussutissarsiutigalugu aalisarnermi aammalu nunami tunisassiorneq pillugu tunisassiornikkut aningaasaqarnikkullu paasissutissanik nalunaarutiginnittarneq pillugu Namminersorlutik Oqartussat nalunaarutaat nr. 11, 1. august 2017-imeersoq

http://inatsisit.gl/Lov?rid=%7b8CB50573-E382-4466-8C19-D8D182A58B49%7d&sc_lang=kl-GL

Paasisaqarnerorusukkuit GFLK 34 50 00-imut imaluunniit mailikkut gflk@nanoq.gl -ikkut saaffigineqarsinnaavoq.