Sanaartornerup iluani ilinniakkaminnik naammassinnittunut nutaanut pilluaqqussut

Teknikimik Ilinniarfimmi KTI-mi sanaartornerup iluani ilinniartut 30-it sinnerlugit nutaat naammasseqqammerput, taakkununngalu sanasutut, qalipaasutut, nukissiornermi vvs-inik ikkussuisartutut ilinniakkaminnik naammassinnittut ilaapput. Tassunga atatillugu Naalakkersuisoq Karl Frederik Danielsen oqarpoq:

”Nuannaarutigeqalugu oqaatigisinnaavara, maanna sanasut 20-t, nukissiornermi vvs-inik ikkuissarsut arfineq pingasut aamma qalipaasut tallimat naammassimmata. Nunatta ineriartornerani sulisut nunaqavissut ilinniarsimasut, ineriartornermut tapertaasussat atorfissaqartippagut. Minnerunngitsumik nunatsinni sanaartorfinni ilinniarsimasut tamaasa atorfissaqartittorujussuuagut, sanaartornermi pitsaassuseq, nunatsinni innuttaasut piumasaat qulakkeerniarlugu.

Taamaattumik sanaartornerup iluani ilinniarnerminnik naammassinneqqammersut pilluaqqungaarpavut, aammalu peqataatillugit ineriartortitseqqinnissamut qilanaarluta.”

Annertunerusumik paasisaqarusunnermi: Naalakkersuisup allattaa Anders Samuelsen ansa@nanoq.gl aqqutigalugu attaveqarfigeqquneqarpoq.