Kalaallit Peqqissartut Illuat 2019-imi aasaanerani taamaallaat napparsimasunit atorneqassaaq

Napparsimasut Danmarkimi katsorsartinnerminnut atatillugu sapinngisamik pitsaanerpaamik atugassaqartinniarlugit Kalaallit Peqqissartut Illuanni inissaqarniarneq pissutigalugu napparsimasut inissaqartinnissaat salliutinneqarpoq.

Qanigisaasut 2019-imi 15. junimit 2019-imi 15. septemberip tungaanut Københavnimi Kalaallit Peqqissartut Illuanni unnuisinnaassanngillat.

Qanigisaasut 14. juni 2019 sioqqullugu piffissami tassani napparsimasoq ingiaqatiginiarlugu bilitsisimasut Kalaallit Peqqissartut Illuanni unnuinissamut suli periarfissaqassapput.

Qanigisaasut allani unnuinissaannut periarfissat Peqqinnissaqarfiup Qullersaqarfianit misissorneqaraluarput, tunngavissarisalli iluanni aaqqiissutissamik nassaartoqarsinnaanani.

Ingiallortit peqqinnissaqarfimmit inissarsiuunneqartut, taakku tassaasinnaallutik meeqqamut angajoqqaat, peqqissartut illuanni suli inissaqartinneqassapput

Attavissaq:
Annertunerusumik paasisaqarusukkaanni saaffissaavoq Peqqinnissaqarfiup Qullersaqarfia una aqqutigalugu sundhedsledelsen@peqqik.gl