Stephen Heilmannimut eqqaaniut

Alianartumik Stephen Heilmannip sivikitsumik napparsimareerluni tassanngaannartumik toqukkut qimagunneranik nalunaarfigineqarpunga.

Stephen, tusagassiortutut ilinniarsimasoq ukiorpassuarni radiokkut aallakaatitassiortutut ilisimaneqarluartoq, akornatsinniikkunnaarpoq.

Stephen 1967-imiit tusagassiorfinni assigiinngitsuni, ilaatigut Kalaallit Nunaata Radioani pisortartut, allatigullu qaffasissunik atorfeqartarsimavoq, 1983-imiillu 1987-imut Kultureqarnermut, Atuartitaanermut Ilageeqarnermullu Naalakkersuisuusimalluni.

2007-imi Namminersornerullutik Oqartussat nersornaasiuttagaat Nersornaat sølviusoq inunnut sisamanut tunniunneqarmat pissusissamisoorsimavoq Kalaallit Nunaanni kulturikkut malunnaateqarluartoq Stephenip nersorneqarnera.

Siuliani taaneqartut saniatigut Stephenip inuppalaartumik tusarnersumillu nipeqarluni tusagassiisarnera ataqqinartoq maqaasineqassaaq.

Naalakkersuisut sinnerlugit Stephenip nulia ilaqutaalu tamaasa misiginneqatigaakka.

Stephenip eqqaaneqarnera ataqqinartuuli.

Naalakkersuisut sinnerlugit, Ilinniartitaanermut, Kultureqarnermut, Ilageeqarnermut Nunanullu Allanut Naalakkersuisoq.


Ane Lone Bagger