Nutaanik periarfissaqalerneq - Air Greenlandip pisiarineqarnera

Ineqarnermut Attaveqaqatigiinnermullu Naalakkersuisoq Karl Frederik Danielsen-imit

”Kalaallit Nunaat tamakkerlugu Air Greenlandimik piginnittuulernerannut pilluaqqujumavara. Attaveqaqatigiinnermut Naalakkersuisutut ilisarnaatitta “timmissat aappaluttut” ataasiinnarmik, piginnittuunermik tamarmiusumik isumaginnissinnaasumik nukittuumik piginnittoqalernerat tulluusimaarutigaara.

Pingasunngormat maajip 29-iani 2019 aktiat naalagaaffimmiit SAS-imiillu pisiarineqarnerinik nalunaaruteqarneq, Kalaallit Nunaanni siunissami assartuussinerup pitsaanerulernissaanik ataatsimoorluta takorluukkatsinnut periarfissiivoq.

Uanga nammineerlunga 2023-p kingorna mittarfiit nutaanik iluseqalerneri, aammalu Air Greenland iliuuseqarnissamut nukittuumik inissisimalernera Kalaallit Nunaannik nunarsuarmut, aammalu nunarsuup uagutsinnut Kalaallit Nunaanniittunut ammaasseqataanissaat qilanaaraara.

Tamatta nutaanik periarfissaqalernissarput qilanaaraarput.”

Annertunerusumik paasisaqarusunnermi naalakkersuisup allattaa Steve Sandgreen uunga stes@nanoq.gl attaveqarfigineqassaaq.