Meeqqat sumiginnakkat pillugit ataatsimoorussamik suliniuteqarneq

Danmarkimit ikiorneqarnissaq pillugu siunnersuutip suliarineqarneranut atatillugu Inatsisartuni 27. maj 2019-imi oqallitoqarneranut Naalakkersuisut qujarusupput.  Isumaginninnermut suliassaqarfimmi siumut isigisumik ataatsimoorussamik siunissarlu ungasinnerusoq eqqarsaatigalugu aaqqiissutissanik suliaqarnermi suleqatigiinnissamut piumassuseqartoqassasoq Naalakkersuisut kaammattuutigaat.

 

Immikkoortoq UKA 2019/229 ulloq 27. maj 2019 Inatsisartuni suliarineqarpoq, tassani Kalaallit Nunaata Kangiani inunnik ikiuinermi sulianut Danskit Naalagaaffiannut ikioqqullutik saaffiginnissuteqassasut Naalakkersuisut peqquneqarput.  Danskit oqartussaasui suleqatigineqareermata Naalakkersuisut erseqqissaatigeqqissavaat.  Taamaammat siunnersuummut Naalakkersuisut isumaqataaginnarsinnaapput, tassami suleqatigiittoqareermat.

 

Pisumi uani suleqatigiinnissaq ataqatigiissaarisoqarnissaalu pingaaruteqarluinnarpoq aamma isumaginninnermut suliassaqarfimmi akisussaasutut, naalakkersuisoqarfimma suliassaq pisariaqartoq akisussaaffigissavaa” Martha Abelsen oqarpoq nangillunilu: “Ippassaq oqallinnermut Inatsisartut qutsavigiumavakka.  Isumaginninnermut suliassaqarfik pillugu atituumik suleqatigiinnissarput pingaaruteqartorujussuuvoq, taamaalilluta meerartavut ilaqutariittavullu navianartumiittut pitsaanerusumik inuuneqalersinnaaniassammata.  Meerartatta siunissaat pillugu suleqatigiittoqarnissaa isumaqatigiisutigineqarmat Naalakkersuisut nuannaarutigaat.  Isumaginninnermut suliassaqarfimmi suliniutissat aggersut Inatsisartut tapersersorumaaraat Naalakkersuisuit taamaammat neriuutigaat, matumani nuna tamakkerlugu meeqqanik inuusuttunillu sumiginnaasoqartarnera akiorniarlugu iliuusissanut pilersaarut ilanngullugu.

 

Attavissaq

Paasisaqarnerorusukkuit naalakkersuisup allatta Inger Heilmann Larsen e-mailillut: ihla@nanoq.gl-ikkut imaluunniit oqarasuaat + 299 554160 atorlugu attavigiuk.