Inuiaqatigiinnut Kingunerisaanik Nalilersuinermi Greenland Minerals Ltd.-ip tunngavilimmik ingerlatsinissamik nalilersuinertik tunniuppaa

Greenland Minerals Ltd.-ip Inuiaqatigiinnut Kingunerisaanik Nalilersuinermi (VSB) danskisut aamma kalaallisut nalilersuinertik nassiummagu nalunaarutigineqarsinnaavoq. Oqaatsini suliarineqarfigisaminni pitsaassusissalersorneqareernermigut nalunaarusiaq Naalakkersuisunut saqqummiunneqassaaq.

Ukioq aallartilaartoq nalunaarusiap tuluttuua Inuussutissarsiornermut, Nukissiuuteqarnermut Ilisimatusarnermullu Naalakkersuisoqarfiup tiguaa, suliaruneqareermallu nalunaarutigineqarpoq kalaallisut aamma danskisut nutserneqareeruni Naalakkersuisunut saqqummiunneqarnissaa piariissasoq.

Februarimi 2019-imi Inuussutissarsiornermut Nukissiuuteqarnermut Ilisimatusarnermullu Naalakkersuisoqarfiup aatsitassarsioqatigiit Tanbreez nalunaarfigisimagaa Inuiaqatigiinnut Kingunerisaanik Nalilersuinermik nalilersuinerat kalaallisut aamma danskisut nutserneqarnera tunniunneqareerpat aatsaat Naalakkersuisunut saqqummiunneqassasoq ilanngullugu nalunaarutigissavarput.

Annertunerusumik paasisaqarniaraanni: Inuussutissarsiornermut Nukissiuuteqarnermut Ilisimatusarnermullu Naalakkersuisoqarfik saaffigineqassaaq. E-mail: isiin@nanoq.gl – oqarasuaat + 299 34 50 00.