Meerartaarsinnaanngitsunut ikiorneqarnissamik periarfissanik allannguuteqarneq

Kalaallit Nunaanni aappariit meerartaarsinnaannginnermut ikiorserneqarsinnaanerat ukiuni arlalinni periarfissaanikuuvoq. Tamanna ingerlaannarpoq.

Isumalluutilli tunngavissallu pissutigalugit ikiorserneqarnissamut neqeroorut Danmarkimi pisartoq unitsinneqartariaqarsimavoq. Tamanna tunngavigalugu Naalakkersuisut Peqqinnissaqarfiup ukiup aallartinnerani nalunaarutaat isummersorfigaat.

Peqqissutsimut Isumaginninnermut Inatsisinullu Atuutsitsinermut Naalakkersuisoq, Martha Abelsen tamanna tunngavigalugu ima oqaaseqarpoq:
”Naalakkersuisutut pingaartippara aappariit meerartaarsinnaanngitsut neqeroorfigineqarnissaat. Taamaattumik aamma pingaaruteqarpoq naqissusissallugu Naalakkersuisut aalajangigaat neqeroorutit Kalaallit Nunaanni peqqinnissaqarfimmi neqeroorutigineqarsinnaanngitsut kisimik aalajangiiffigimmassuk. Aappariit meerartaarsinnaanngitsut kalallit nunaanni peqqinnissaqarfimmi ikiorserneqarnissaat suli ingerlanneqarsinnaavoq.”

Peqqinnissaqarfiup tungaaniit ilisimatitsissutigineqarpoq nuna tamakkerlugu ikiorserneqarnissamut neqeroorutip ilaatigut nunap illoqarfiini tamani nakorsaatit atorlugit mannissanik ineriartortitsisoqarsinnaasoq, aamma Ilulissani Nuummilu aapparisap anisuua atorlugu ikkutsiffigitinnissamut periarfissaqartoq.

Aalajangiineq inuit ataasiakkaat nammineq peqqinnissakkut sullimmassiineq atorlugu imaluunniit nammineq akiliilluni Kalaallit Nunaata avataani annertusisamik ikiorseqarsinnaanerup sunniuteqanngilaq.

Paasisaqarnerujumallutit attavigiuk naalakkersuisup allattaa Inger Heilmann Larsen oqarasuaatikkut.: +299 55 41 60 imaluunniit e-mailikkut: ihla@nanoq.gl