Amerikkamiut nunanut allanut ministeriata Kim Kielsen naapittussanngorpaa

Sisamanngorpat maajip 9-ani 2019 amerikkamiut nunanut allanut ministeriat Michael Pompeo Nuummut tikeraartussanngorpoq. Tikeraarnermi nalaani amerikkamiut nunanut ministeriata Naalakkersuisut siulittaasuat Kim Kielsen naapissavaa.

Tamatuma kingorna Pompeop Nunanut Allanut Naalakkersuisoq Ane Lone Bagger aamma danskeit nunanut allanut ministeriat Anders Samuelsen ataatsimeeqatigissavai. Naatsorsuutigineqarpoq ataatsimmeqatigiinnermi tassani issittumi nunatsinnilu suliassaqarfinnut tunngatillugu ataatsimoorussamik pingaartitat oqaluuserineqassasut.

Amerikkamiut nunanut allanut ministeriata nunatsinniinnermini aamma Kangerlussuarmi Air National Guardimeersut naapissavai, taakku tassaapput amerikkamiut timmisartortartoqatigiit Kangerlussuarmiit aallaaveqarlutik nunani tamalaaneersut issittumi ilisisartusarnerminnut atatillugu nunatsinni misissuisunut ikiortaasartut.

Sukumiinerusumik paasisaqarusuttut Naalakkersuisoqarfimmi pisortaq Kenneth Høegh attavigisinnaavaat uunga sianerfigalugu: 56 56 04, imaluunniit e-mailikkut allaffigalugu: kenh@nanoq.gl