Aqutsiveqarfimmi Nuuk-Paamiut assagiarsunniarneq unitsinneqarallassaaq

Sinerissap qanittuani aqutsiveqarfimmi Nuuk-Paamiut assagiarsunniarneq marlunngornermi apriilip 30-anni 2019-imi nalunaaqutaq 24.00 unitsinneqarallassaaq, aqutsiveqarfimmut pisassiissutigineqartut 1.200 tonsiusut affai sinnerlugit aalisarneqarsimalermata.

Pullatit kingusinnerpaamik marlunngornermi apriilip 30-anni 2019-imi qaqereerneqarsimassapput. Taamaalilluni maajip aallaqqaataa tassaassaaq ulloq tunitsiviusoq kingullerpaaq.

Naatsorsuutigineqarpoq aqutsiveqarfimmi oktobarip aallaqqaataani 2019-imi assagiarsunniartoqaleqqittoqassasoq.

Attavigineqarsinnaavoq Kalaallit Nunaanni Aalisarsinnaanermut Akuersissutinik Nakkutilliisoqarfimmi, KANUAANA, pisortaagallartoq, fiskerilicensinspektør, Niels J Laursen. Tlf. nr. 34 50 00. E-mail: NIJL@nanoq.gl