Aqutsiveqarfimmi NAFO 1a-mi, Qeqertarsuup Tunuani nipisanniarneq ataasinngorpat apriilip 29-anni 2019-imi aallartissaaq.
Nipisat suaat aqutsiveqarfimmut ukioq manna pisassiissutigineqartut 84 tonsiupput.
NAFO 1a-mi nipisanniarneq ulloq kingulleq tassaassaaq juunip 11-at, pisassiissutigineqartut tamakkerlugit siusinnerusukkut aalisarneqarsimanngippata. Taamaattoqassappat, tamanna pillugu nalunaaruteqartoqarumaarpoq.
Nunatta Kitaani nipisat suaat ukioq manna pisassiissutigineqartut 1.300 tonsiupput, aqutsiveqarfinni arfineq-marluusuni aalisarneqarsinnaallutik
Attavigineqarsinnaavoq Aalisarnermut, Piniarnermut Nunalerinermullu Naalakkersuisoqarfimmi AC-fuldmægtig John Biilmann. E-mail: johb@nanoq.gl