Attumi apriilip 29-anni nipisanniartoqalissaaq

Aqutsiveqarfimmi NAFO 1Ba-mi, aqutsiveqarfimmi Attumi nipisanniarneq ataasinngornermi apriilip 29-anni aallartissaaq.

Nipisat suaat 1Ba-mut ukioq manna pisassiissutigineqartut 91 tonsiupput.
1Ba-mi nipisanniarneq kingulleq tassaassaaq juunip 11-at, pisassiissutigineqartut tamakkerlugit siusinnerusukkut aalisarneqarsimanngippata. Taamaattoqassappat, tamanna pillugu nalunaaruteqartoqarumaarpoq.
Aqutsiveqarfimmi aalisartoqarunnaarpat pisassiissutillu sinneqarsimappata, taakku aqutsiveqarfiup tullianut nuunneqassapput.
Nunatta Kitaani nipisat suaat ukioq manna pisassiissutigineqartut 1.300 tonsiupput, aqutsiveqarfinni arfineq-marluusuni aalisarneqarsinnaallutik.

Attavigineqarsinnaavoq Aalisarnermut, Piniarnermut Nunalerinermullu Naalakkersuisoqarfimmi AC-fuldmægtig John Biilmann. E-mail: johb@nanoq.gl