Atuakkap "Kalaallit Nunaata geologiia - angalaarit" saqqummersinneqarnera

Aatsitassanut Suliffeqarnermullu Naalakkersuisup atuagaq nutaaq ”Kalaallit Nunaata geologiia - angalaarit” sapaatip akunnerata naanerani saqqummersissavaa.

Atuagaq kikkunnut tamanut saaffiginnippoq, meeqqanut inersimasunullu aammalu allatat, assilissat titartakkallu atorlugit ujarassiornerup silarsuaanik takutitsilluni. Atuagaq meeqqat atuarfii aqqutigalugit Kalaallit Nunaanni meeqqat atuarfianni atuartunut tamanut akeqanngitsumik agguaanneqassaaq, aammalu meeqqat atuarfii tamarmik immikkut atuakkap atuaqatigiinni atugassartaannik pissarsissapput, atuartitsinermut tapertassatut atorneqarsinnaasunik. Atuagaq kalaallisut aamma danskisut naqinneqarpoq.

Arfininngorpat ulloq 13. april 2019 nal. 11-13 Nuuk Centerip paarlersuani aaqqissuussilluta saqqummersitsineq nalliuttorsiutiginiarparput. Aatsitassanut Suliffeqarnermullu Naalakkersuisup isertunut siullernut 200-inut atuagaq akeqanngitsumik agguaatissavaa, aammalu Hinnarik & Frederik aliikkusersuissapput. Taamattaaq nanoq Uja, atuakkami pingaarnertut oqaluttuarineqartoq naapinneqarsinnaassaaq Kalaallit Nunaannilu ujaqqat aatsitassallu ilaasa takunissaat periarfissaassaaq.


Inussiarnersumik inuulluaqqusillunga
Med venlig hilsen
Best Regards


Erik Jensen
Aatsitassanut Suliffeqarnermullu Naalakkersuisoq