Naalakkersuisut Siulittaasuata Naalakkersuisoqarfiani naalakkersuisoqarfimmi pisortaq nutaaq atorfinitsinneqarpoq

Hans-Peder Barlach Christensen ulloq 12. juni 2019 aallarnerfigalugu Naalakkersuisut Siulittaasuata Naalakkersuisoqarfiani naalakkersuisoqarfimmi pisortatut atorfinissaaq.

HP Isumaginninnermut Aqutsisoqarfimmi pisortatut atorfimmeersuuvoq. Siusinnerusukkut Aasianni kommunaldirektøritut, KANUKOKA-mi pisortatut kiisalu SIK-mi pisortatut atorfeqartarsimavoq.

HP nunatsinni peroriartorpoq. Aarhus Universitetimi etmografitut ilinniagaqarpoq kiisalu Henley Management School-imi pisortatut ilinniagaqarluni. HP 54-inik ukioqarpoq, nuliaraalu Henriette Clasen. Marlunnik inersimasunik meeraqarput.

Naalakkersuisut Siulittaasuat Kim Kielsen toqqaanermut atatillugu ima oqaaseqarpoq:
”HP-p suleqatiginissaa, sivisuumillu pisortani ingerlataqarfimmi kiisalu pingaarutilimmillu sulinermini misilittagarpassuarilersimasai atorluassallugit qilanaaraara.
Qularinngilara, HP misilittakkani tunngavigalugit qitiusumik allattoqarfimmi kiisalu Naalakkersuisut Siulittaasuata Naalakkersuisoqarfiani aqutsinermut ineriartortitsinermullu tapeeqataalluarumaartoq.”


Naalakkersuisut Siulittaasuata Naalakkersuisoqarfiani naalakkersuisoqarfimmi pisortatut qinnuteqartut arfiniliupput.

Nuuk, ulloq 10. april 2019

Paasissutissat annertunerusut uunga saaffiginninnermi pissarsiarineqarsinnaapput:
Naalakkersuisoqarfimmi pisortaq Nikolai S. Christensen
Aalajangiisussatut ataatsimiititaliami Siulittaasoq
Oqarasuaat: 34 66 75
Mail: nsch@nanoq.gl