Taarsiissuteqarluni arsaarinninneq pillugu atortussanik saqqummiussineq

Naalakkersuisut 8. marts 2019-imi Sanaartorfik B2-mi aamma Sanaartorfik B3-mi, Nukappiakuluk, Nuuk taarsiissuteqarlutik arsaarinnipput. Taarsiissuteqarluni arsaarinninneq Nuup Mittarfiata allineqarnissaanut atatillugu atugassatut pivoq.

Naalakkersuisut taarsiissuteqarlutik arsaarinninnissamut aalajangernerat kiisalu tamatumunnga attuumassuteqartut atortut piffissami 10. maj 2019-imit 14. maj 2019-imut tamanit misissorneqarsinnaapput.

Atortussat Kommuneqarfik Sermersuumi kiisalu Nunatta Atuagaateqarfiani pappilianngorlugit takuneqarsinnaappput. Atortussattaaq elektroniskimik una toorlugu takuneqarsinnaapput.

Atortussanik saqqummiussinermut siunertaavoq taarsiissuteqarluni arsaarinnissuteqarsimaneq pillugu tamanut ammasumik inatsisit naapertorlugit paasissutissiineq.

Paasissutissat annerusut pillugit Naalakkersuisut Siulittaasuata Naalakkersuisoqarfianut mailimut saaffiginnittoqarsinnaavoq uunga: govsec@nanoq.gl imaluunniit oqarasuaatikkut immikkoortumi pisortamut Klaus Georg Hansen, 34 51 11.