Umiarsuit saarullinnut tunitsiviusussat marluk aasaru atulissapput

Stemningsbillede Naalakkersuisut apriilip sisamaanni akuersissutigaat Kitaa Seafood aamma Royal Greenland umiarsuarnik aasaru tunitsiviliisinnaassasut.

Kitaa Seafoodip umiarsuaq saarullinnut tunitsiviusoq Nuup eqqaniitsissavaa.
Umiarsuarmi tunitsivimmi saarulliit niaquerneqartassapput erlaveerneqartassallutillu, saarullik kingorna Nuummi tisaneqartassalluni.

Royal Greenlandip umiarsuaq saarullinnik uumatitsivik “Maniitsoq” Maniitsumit Kangerlummut saarullinnik suliarineqarnerini “Nutaaq”-mik taagorneqartunik tunitsivigitissavaa.

Bundgarnersorluni aalisartoqarlualernerata nalaani tunitsivissaaleqinerup tamaviaarnarsiffiani Royal Greenland umiarsuarnik tunitsiviliinani uumatitsivinnilli amerlanernik pilersitsiniarpoq.

Naalakkersuisut ilanngullugu akuersissutigivaat Royal Greenland Qeqertarsuarmi aalisakkanik tunitsivigineqarsinnaalissasoq, inini attartukkani tunitsiveqartoqarsinnaalluni.

Royal Greenland nipisat suaannik upernaaru tunitsivigineqartarnissaminut maannakkut piareersaaleruttorpoq.

Attavigineqarsinnaavoq Aalisarnermut, Piniarnermut Nunalerinermullu Naalakkersuisoqarfimmi immikkoortortami pisortaq, Kunuk Holm. E-mail: kunh@nanoq.gl