Kim Kielsen naalagaaffeqatigiinneq pillugu ukiumoortumik ataatsimiinnissami tikeraartitsisuussaaq

Naalakkersuisut Siulittaasuat Kim Kielsen naalagaaffeqatigiinneq pillugu ukiumoortumik ataatsimiinnissami tikeraartitsisuussaaq

Naalakkersuisut Siulittaasuat Kim Kielsen, Ministeriuneq Lars Løkke Rasmussen aamma Savalimmiuni Lagmandi Aksel V. Johannesen ukiumoortumik aprilip 11-ani naalagaaffeqatigiinneq pillugu Ilulissani ataatsimiissapput.

 

Kim Kielsen pisussamut atatillugu ima oqaaseqarpoq:

 

Naalagaaffeqatigiinneq pillugu ukioq manna ataatsimiinnissamut tikeraartitsisuunissara qilanaareqaara, tassani Lagmandi Ministeriunerlu peqatigigalugit apeqqutit assigiinngitsut naalagaaffeqatigiinnermi ataatsimoorfigisagut akunnitsinni oqaloqatigiissutigissavagut.”

 

Naalagaaffeqatigiinneq pillugu ataatsimiittoqareerpat pisarnertut tusagassiortunik katersortitsisoqassaaq. Tamanna pissaaq Hotel Arcticimi, aprilip 11-ani nal. 17.45.

 

Naalagaaffeqatigiinneq pillugu ataatsimiinneq naggaserlugu aprilip 12-ani Saqqamut angalaassapput, nunaqarfimmi aqutsisuni ilaasortat naapinneqassallutik.

 

Naalagaaffeqatigiinneq pillugu ataatsimiinnerit persuarsiunngitsumik naalakkersuisut siuttuinit ingerlanneqartarput.

 

Naalagaaffeqatigiinni naalakkersuisunikkut siuttui kingullermik Savalimmiuni 2018-imi ataatsimiipput.

 

Paasisaqarnerorusuttut attavigisinnaavaat Naalakkersuisumut allatsi Eqaluk Høegh oqarasuaat +299 56 24 50 imaluunniit e-mail eqah@nanoq.gl.