Aqutsiveqarfimmi Nuuk-Paamiut assagiarsunniarneq unitsinneqassaaq

Krabber 1 Naturinstitut Kalaallit Nunaanni Aalisarsinnaanermut Akuersissutinik Nakkutilliisoqarfik matumuuna nalunaarpoq aqutsiveqarfimmi Nuuk-Paamiut assagiarsunniarneq unitsinneqarallassasoq.

Aqutsiveqarfimmut assagiarsuit ukioq manna pisassiissutigineqartut 1.200 tonsiupput.

Aalisariutit pisassiissutaasunit 1.200 tonsiusunit 560 tonsit marsip 31-ata tungaanut 2019-imi aalisarsimavaat, pisassiissutinit 47 procentit aalisarneqarsimallutik. Taamaattumik naatsorsuutigineqarsinnaassaaq aalisartoqaannarpat pisassiissutigineqartut ukioq naatinnagu nungunnissaat.

Taamaattumik assagiarsunnik pingasunngorpat apriilip 10-at 2019, nalunaaqutaq 24.00 kingullerpaamik tunisisoqassaaq. Ullorlu taanna aamma pullatit qaqinneqarsimassapput.

Aqutsiveqarfimmi Nuuk-Paamiut oktobarip aallaqqaataani 2019-imi assagiarsunniarneq aallarteqqinneqassaaq.

Annerusumik paasisaqarusukkuit Kalaallit Nunaanni Aalisarsinnaanermut Nakkutilliisoqarfimmut paasiniaasinnaavutit, uunga sianerlutit: 34 50 00 imaluunniit e-mail: gflk@nanoq.gl