Aalisarneq pillugu Ataatsimiititaliarsuarmut ilaasortanik toqqaaneq

Aalisarneq pillugu Ataatsimiititaliarsuup sulinissaanut tunngavissiaq Naalakkersuisut ulloq 8. marts 2019 akueraat. Naalakkersuisut tassunga peqatigitillugu akueraat:
1. Eqqartuussissuserisoq Jens Paulsen Nuummeersoq Aalisarneq pillugu Ataatsimiititaliarsuup siulittaasuatut.
Soorlu sulinissamut tunngavissiami allaqqasoq ilaasortat kattuffiit arlallit inassuteqaateqareernerisigut Aalisarnermut, Piniarnermut Nunalerinermullu Naalakkersuisumit toqqarneqassapput. Taamaammat inassuteqaatit tunngavigalugit uku toqqarneqarput:
2. Ilaasortaq sumulluunniit attuumassuteqanngitsoq siulittaasullu tullia, Professor Emeritus Peder Andersen
3. Ilaasortaq sumulluunniit attuumassuteqanngitsoq, siusinnerusukkut aalisarnermut siunnersortaaneq Eskild Kirkegaard
4. KNAPK, Siulittaasoq Henrik Sandgreen
5. SQAPK, Pisortaq Erik Lange
6. SIK, Kattuffiup siulittaasua Jess G. Berthelsen
7. GE, Pisortaq Brian Buus Pedersen
8. NUSUKA, Siulittaasoq Gerth B. Lynge
9. Kukkunersiuisut suliffeqarfii, kukkunersiuisoq naalagaaffimmit akuerisaasoq Knud Østergaard
10. Pinngortitaleriffik, Immikkoortortaqarfimmi pisortaq Helle Siegstad,
11. Grønlandsbanken, Pisortap tullia John Jakobsen
12. Kommunit, Kommunaldirektøri Paneeraq Olsen
Kattuffiit aamma tamarmik immikkut ilaasortaq ataatsimeeqataasinnaanngippat ataatsimeeqataasinnaasumik sinniisussamik ataatsimik toqqaapput.

Aamma ukunanit ataasiakkaanit ataatsimik aalajangeeqataasinnaanngitsumik peqataasoqartassaaq: Aalisarnermut, Piniarnermut Nunalerinermullu Naalakkersuisoqarfik, Aningaasaqarnermut Naalakkersuisoqarfik, Inuussutissarsiornermut Nukissiuuteqarnermullu Naalakkersuisoqarfik kiisalu Akileraartarnermut Aqutsisoqarfik.

Allatseqarfik Aningaasaqarnermut Naalakkersuisoqarfimmiit aamma Aalisarnermut, Piniarnermut Nunalerinermullu Naalakkersuisoqarfimmit ataatsimut isumagineqassaaq.

Aalisarneq pillugu Ataatsimiititaliarsuarmik pilersaarusiorneq aallartereerpoq ataatsimiititaliarsuullu siulittaasuata ilisimatitsissutigaa siullermeerluni ulloq 9. april 2019 ataatsimiittoqassasoq.

Uani atuarsinnaavat aalisarneq pillugu ataatsimiitsitaliarsuup sulinissaanut tunngavissiaq

Paasissutissanik sukumiinerusunik, uani taaneqanngitsunik pissarserusukkaanni Aalisarnermut, Piniarnermut Nunalerinermullu Naalakkersuisoqarfimmut saaffiginnittoqarsinnaavoq, e-mail: apnn@nanoq.gl

Sukumiinerusumik paasisaqarusukkuit Aalisarnermut, Piniarnermut Nunalerinermullu Naalakkersuisoqarfimmi immikkoortortaqarfimmi pisortaq Jørgen Isak Olsen / Naalakkersuisoqarfimmi pisortaaneq, attavigiuk, oqarasuaat 34 50 00.