Illersornissaqarfiup Kangerlussuarmiiginnarnissani kissaatigaa

Danskit illersonissamut ministeriat Claus Hjort Frederiksen Ilinniartitaanermut, Kultureqarnermut, Ilageeqarnermut Nunanullu Allanut Naalakkersuisoq Ane Lone Baggerimut ilisimatitsivoq, silamut tunngasut, illersornissaqarfiup timmisartut atugaat aammalu suliassanik suliarinninnissaq eqqarsaatigalugit Illersornissaqarfiup Kangerlussuarmiiginnarnissaq maannakkut kissaatigaa.

Tassunga tunngatillugu Naalakkersuisut Illersornissamullu Ministeri suleqatigiisitamik pilersitsissallutit aalajangiuppaat, tassani Illersornissaqarfiup siunissami Kangerlussuarmiiginnarnissaanut aporfiusinnaasut iluaqutaasinnaasullu qulaajarneqassallutik.

Suleqatigiisitat suliaminnik naammassinninnissaat naatsorsuutigineqarpoq aasaq manna 2019-mi.

Annertunerusumik paasisaqarusunnermi Naalakkersuisoqarfiup pisortaa Kenneth Høegh kenh@nanoq.gl imaluunniit +299 565604 aqqutigalugit attaveqarfigineqarsinnaavoq