2018-imi kapisilinniarsimanerit nalunaarutigigukku kapisilinniarnissamut akuersissummik nutaamik pissaatit

Kapisilinniarnissamut akuersissutaatillit 200-t sinnilaaginnarlugit amerlassusillit siorna kapisilittarisatik Kalaallit Nunaanni Aalisarsinnaanermut Akuersissutinut Nakkutilliisoqarfimmut, KANUAANA, nalunaarutigisimavaat.


Kapisilinniarnissamut akuersissutaatilinnit 790-iusunit 585-it KANUAANA-mut suli nalunaa­ru­te­qar­simanngimmata Aalisarnermut, Piniar­nermut Nunalerinermullu Naalakkersuisoqarfiup, APNN, marsip 15-iat nallertinnagu ­nalunaar­sin­naa­nerinut periarfissippai.

 

Taamaattumik Aalisarnermut, Piniarnermut Nunalerinermullu Naalakkersuisoqarfiup 2018-imi kapisilinniarnissamut akuersissutaateqartut pisaminnik nalunaaruteqarsimanngitsut qinnuigai pisaminnik nalunaaruteqaqqullugit, nalunaaruteqariarpata 2019-imi kapisilinniarnissamut akuersissummik tunineqarnissaminnut periarfissaqalissallutik. 


Kapisilinniarnissamut nalunaarut naapertorlugu pisat nalunaarutigineqartussaapput.

 

Nalunaarutaat nutaaq 2018-imeersoq naapertorlugu kapisilinniarnissamut akuersissummik inuussutissarsiutigalugu sunngiffimmilu aalisartunut nutaamik tunisisoqarsinnaanngilaq ukiup siuliani kapisilittarisimasat KANUAANA-mut nalunaarutigisimatinnagit. Nutaartaa tassaavoq aalisartut aalisarsimatinnatik aalisarsimatillutilluunniit pisaqarsimannginnerminnik KANUAANA-mut nalunaaruteqartussaatitaanerat.

APNN akuersissutaatilinnut qinnuiginnippoq 2018-imi kapisilinniarsimanerminnut KANUAANA-mut nalunaaruteqassasut. Akuersis­sutaatillit KANUAANA-mut nalunaaruteqanngikkunik 2019-imi kapisilin­niar­nis­samut akuersissummik tunineqarsinnaassanngillat. Piaartumik nalunaarute­qar­nis­saq kissaatigi­ne­qar­tinneqarpoq kingusinnerpaamik marsip 15-ianni nalunaaruteqar­to­qar­sin­naalluni.

 

Attavigineqarsinnaavoq Siunnersortit Pisortaat Katrine Kærgaard, email: katk@nanoq.gl.