Pitsaasumik tunngavissiorneq sivisusinnaasarpoq

Naalakkersuisooqatigiit siuttui Ilulissani aalisarneq pillugu ataatsimiititarsuup suliassaasa tunngavissiorneri pillugit februaarip 14-ianni 2019-imi isumasioqatigiipput. Partii Naalakkersuisooqatigiinnut tapersersuisoq Demokraatit siulittaasuat isumasioqatigiinnermi aamma peqataavoq.

Suliassanut tunngavissiaq imartooq isumasioqatigiinnermi oqaluuserineqarpoq. Taamaammat tupinnanngitsumik suliaq pillugu avammut saqqummiussisinnaaneq killeqarpoq Naalakkersuisunut suli akuerisassanngorlugu naammassineqanngimmat. Suliaq pillugu Naalakkersuisut Inatsisartunit peqquneqarnermikkut ingerlatsipput. Taamatut suleriaaseqarneq nutaajunngilaq Naalakkersuisullu suleriaasertik malillugu ingerlappaat.

Taamaammat tupinnarpoq illua’tungiliuttut aalisarneq pillugu ataatsimiititaliarsuaq pillugu matoqqasoqarnerarlugu oqariartuuteqartalermata. Illua’tungiliuttuni siuttut tamarmik Naalakkersuisutut sulisimammata tamanna puigorsimassappassuk uggornarpoq, Nikkulaat Jeremiassen erseqqissaavoq.

Sapaatip akunnerani matumani naatsorsuutigineqarpoq Naalakkersuisuni oqaluuserinissaanut tunngavissiaq naammassillugu suliarineqassasoq.

Sukumiinerusumik paasisaqarusukkaanni Naalakkersuisoqarfimmi pisortaaneq attavigineqarsinnaavoq, oqarasuaat 34 50 00.