Naalakkersuisup Erik Jensen-ip Kalaallit Nunaanni silap pissusaanut ullorititaq ammarpaa

Arfininngormat Kalaallit Nunaanni silap pissusaanut ullorititaq Kalaallit Nunaanni Silap pissusaanut ilisimatusarfimmik ingerlanneqarpoq. Tamanna Kalaallit Nunaanni Silap pissusaanut ilisimatusarfiup ukiunik qulinngortorsiorluni nalliuttorsiorneranut atatillugu pivoq, ilisimatusarfiup innuttaasut, ilisimatuut, saqqummiisut allallu silap pissusaanut suliassaqarfimmi suliaqartoq peqatigalugit Katuami ingerlanniarlugu aalajangersimalluni.

Naalakkersuisoq, Erik Jensen ammaalluni oqalugiarpoq, taannalu matuma naggaterpiaani takuneqarsinnaavoq, tamatumalu kingorna saqqummersitsivinni assigiinngitsuni takusaalluni.

Pinngortitamut, Avatangiisinut Ilisimatusarnermullu Naalakkersuisoqarfik saqqummersitsiveqarluni ikiuuppoq. Saqqummersitsivimmi ilaatigut Naalakkersuisut silap pissusaanut naleqqussaanermut nalunaarusiai pingasut takuneqarsinnaapput, Kalaallit Nunaanni siunissami silap pissusaa paasisaqarfigineruneqarsinnaalluni aammalu ilinniartitsisut qanoq iliorlutik meeqqat atuarfianni atuartut ilinniarnikkut pinnguarnikkullu silap pissusaata allanngoriartornera pillugu ilinniartissinnaaneraat assersuutissat takuneqarsinnaallutik.

Oqalugiaat