Ilimagisaniit oqaloqatigiilluarnerusoqaqaaq

Piffissaq ingerlapallaqaaq. Nanortalimmi Qaqortumilu tunniusimallutik peqataasut akornanni apersuerusussuseqarneq uummaarissumillu oqaloqatigiinneq qiimmaallatsitsivoq. Aatsitassarsiorniarnerit ataatsimut isigalugit eqimattani kiinnamiit kiinnamut oqalliseqatigiilluni naapeqatigiinnerup qanoq pingaaruteqartigineranik tamanna takussutissaavoq.

Aatsitassanut pisortaqarfiit aatsitassanut suliniutinik suliarinnittarnerat pillugu Kujataani avitseqatigiinnerni oqallinnernilu innuttaasut naapeqatigeeriaatsip qiimmatsannarnera pillugu oqariartuuteqarput. Maannamullu innuttaasut naliliillutik immersuisut akissutaasa 68-iusut 61-ertaasa takutippaat avitseqatigiilluni oqallillunilu naapeqatigeeriaaseq pitsaasorujussuusimasoq imaluunniit pitsaasimasoq. Takkuttut ilaat ima allapput:

”Una paasissutissiissut oqallinnertalik iluareqaara” - ”Denne informationsform med dialog var meget tilfredsstillende”.

”Pittaaqaaq kisianni piffissaq sivikikkami” - ”Fremragende men tiden var for kort”.

” Peqataatitat ajunngillat katitigaanerat torrallataavoq” – ”Repræsentanternes sammensætning er glimrende”.

”Paaserusutakka paasivakka” – ”Jeg fik dækket mit informationsbehov”.

”Ataatsimeeriaaseq pitsaaqaaq” – ”Mødekonceptet er tilfredsstillende”.

”Mere end forventet” – ”Ilimagisanniit pitsaaneruvoq”.

”Jeg vil meget gerne komme en anden gang, hvis der bliver arrangeret et andet møde som næsten er det samme” – ”Taamatulli aaqqissuussisoqaqqissagaluarpat takkuteqqikkusuppunga”.

Aatsitassanut Suliaqarfinnut Avatangiisinut Aqutsisoqarfik angalaqataasullu allat, tassa Aatsitassanut Aqutsisoqarfimmit, Inuussutissarsiornermut Nukissiuuteqarnermullu Naalakkersuisoqarfimmit, Pinngortitaleriffimmit Nationalt Center for Miljø og Energimillu, Narsami, Igalikumi, Qassiarsummi Narsarsuarmilu innuttaasut naapeqatiginissaanut qilanaarput.

Paasissutissat annertunerut pillugit Aatsitassanut Suliaqarfinnut Avatangiisinut Aqutsisoqarfimmi pisortaq Najaaraq Demant-Poort saaffigineqarsinnaavoq, uunga: 56 06 60 imaluunniit immikkut siunnersorti Kristine Lynge-Pedersen, uunga: 55 24 44.