2017-imi juunimi Karrat Kangerluanni pinngortitami ajunaarnersuup kingunerisaanik Uummannami inissiat taartissat

Ineqarnermut Attaveqaqatigiinnermullu Naalakkersuisoqarfik siusinnerusukkut nalunaaruteqarpoq, 2017-imi juunimi Karrat Kangerluanni pinngortitami ajunaarnersuup kingunerisaanik inissiat taartissat 2019-imi apriilimi iserterfigineqariaannanngorlutik piariissasut.

Inissiat taartissat sanaartorneqarneri pilersaarutit malillugit ingerlapput. Kisiannili sanaartukkanik nakkutilliisut misissuinerminni ajoraluartumik paasivaat, ruujorit sumiiffimmi imermik pilersuivimmut kuuffeqarfimmullu atasussat oqorsaataat tunisassiarineqarnerminni kukkuneqarsimasut. Kukkunerit kingunerisaannik ruujorit taarsersorneqartariaqarput, kukkunerit najukkami iluarsineqarsinnaanngimmata. Ruujorit nutaat 2019-imi aasap ingerlanerani umiarsuarmut siullermut ilaallutik tikissapput, tamatumalu kingorna taarsersuineq aallartinneqarsinnaalissaaq.

Tamanna tunngavigalugu inissiat taartissat atorneqalernissaat kinguaattoorfiuvoq. Iserternissap siusinnerpaamik 2019-imi pinissaa naatsorsuutigineqarpoq.

Naalakkersuisoqarfimmiit nakkutilliisut suliaat naammagisimaarneqartorujussuupput, suliniuteqarnerammi peqqutaalluni entreprenøri tunisassiortorlu kukkunernik paasineqartunik pilertortumik aaqqiisinnaalerput.

Kinguaattoortoqarnera utoqqatsinartorujussuuvoq, kisiannili kukkuneq ima annertutigaaq, 2019-imi apriilimi isertertoqarsinnaanani.

Paasissutissanik annertunerusunik piniarnermi: Attavissaq Steve Sandgreen uani stes@nanoq.gl