Portørit suliumajunnaarnerannut atatillugu suliassat upalungaarsimanerlu pillugit paasissutissat

Nuummi tallimanngornermi februaarip ulluisa arfineq pingajuanni portørit suliumajunnaarnerannut atatillugu suliassat upalungaarsimanerlu pillugit paasissutissat

Portørit suliumajunnaarnerannut atatillugu Dronning Ingridip Napparsimmavissuani suliassat makku
tallimanngorpat februaarip ulluisa arfineq pingajuanni ullup qeqqaniit sisamat tungaannut isumagineqarsinnaassanngillat:

-Aaviisarfimmut, qinnguartaavimmut, pilattaavimmut, timimik sungiusaavimmut utimullu angallassineq.
-Napparsimmavissuarmut tassaangalu angallassineq:
  • Immikkoortortaqarfinniit mittarfimmut angallassineq
  • Mittarfimmiit immikoortortanut angallassineq
  • Angerlarsimaffinniit Napparsimmavissuarmut angallassineq utimullu angallassineq
Nakorsiat nalinginnaasumik peqqinnissaqarfiup Napparsimmavissuarmiit tassanngalu uterluni angallanneqarnissamut neqeroorutaanik atuisut namminneq angalanissartik isumagisariaqassavaat. Pilaanissat ullup qeqqaniit sisamat tunganut pilersaarutaasut ingerlanneqassapput.


Nuummi mittarfimmut mittarfimmiillu angallassinissanut aaqqiissutit
Napparsimmavissuarmiit angallassassat immikkoortortarisamit taxamut akiliutissaannik kortimik tunineqartassapput sapinngisarlu tamaat angallassassanik allanik ataqatigiissaarisoqartassaaq.
Nuummut tikinnermi portørit aqutsisui piffissami pineqartumi mittarfimmi taxanut akiliutissanik kortinik agguaassapput Napparsimmavissualiartussanillu taxartussanik aataatsimoorsinnaasunik ataqatigiissaarissallutik.

Upalungaarsimatitat makku allannguuteqassanngillat:
-Pinartoqartillugu ambulancinik angallassineq
-Akiutiniittunik mittarfimmut aallerneq
-Napparsimmavissuarmi pinartoqartillugu kalerisaarinerit
-Suliassat inuunermik navianartorsiulersinnaanermut innarluuteqalersinnaanermullu tunngasut allat.

Paasissutissanik sukumiinerusunik pissarsiniarnermi attavissaq
Tusagassiorfinnut nalunaarut una pillugu paasissutissanik sukumiinerusunik pissarsiniartut attavissaraat Peqqinnissaqarfimmi qullersat E- mailikkut: sundhedsledelsen@peqqik.gl imal. oqarasuaatikkut: 344300.