Naalakkersuisup Kalaallit Nunaanni Timersoqatigiiffiit Kattuffiat ataatsimeeqatigaa

6. februar Ilinniartitaanermut, Kultureqarnermut, Ilageeqarnermut Nunanullu Allanut Naalakkersuisup, Ane Lone Baggerip, Timersoqatifiigiiffiit Kattuffiat (GIF) timersornerup illuani naapippaa.

Timersoqatigiiffiit Kattuffiata ukiuni tulliuttuni sisamani periuusissiassartik suliarileruttorpaat, Naalakkersuisorlu, Ane Lone Bagger, timersornerup illuanut aggersarlugu siunissami takorluukkatik isumalluarnartut saqqummiullugit. GIF-ip takorluugaraa nunarsuarmi 2030-imi timitsinnik aalatitsinerpaassasugut. Ataatsimiinneq pissarsiaqarluarfiuvoq sammisanik pitsaasunik imalik. Illuatungeriit timersornerup inuunitsinni pingaassusaa eqqartorpaat, kiisalu pitsanngortissagaanni qanoq tamaniit iliuuseqartoqassanersoq. Naalakkersuisut qilanaarivaat GIF suleqatigalugu timimik aalatitsinerup inuiaqatigiinni tamani siuarsarnissaa.

“Piffiit pissanganarluinnartut maanna tikissimalerpagut, timersornerup iluani ineriartortoqartoq, pingaarnertut naliginnaasumik timersornermi, tamanut iluaqutaasussamik. Naalakkersuisut pingaartippaat innuttaasut timiminnik aalatitsinissaannik periarfissaqarnissaat tassami timikkut anersaakkullu peqqinnermik pilersitsissammat. Qilanaarpugut GIF suleqataasussallu allat suleqatigaluguit GIF-ip takorluugai isumalluarnartut anguniarlugit peqataanissatsinnut.” Naalakkersuisoq Ane Lone Bagger oqarpoq.

Naalakkersuisut timersornermut tapiissutaareersut saniatigut tapiissutit qaffannikuuaat ilaatigut innuttaasut peqqinnerutilernissaannut taamaalillutillu peqqinnissaqarfimmut isumaginnittoqarfinnullu tatisimaninneq millisassallugu. Kultureqarnermut Naalakkersuisoqarfiup timersorneq akisussaaffeqarfigaa, kisianni suleqatigiinneq Naalakkersuisoqarfiit akimorlugit ingerlavoq.

Paasissutissanik annertunerusunik paasisaqarniaruit siunnersorti Mika Lyberth oqarasuaat +299 34 57 44 imaluunniit e-mail mlyb@nanoq.gl aqqutigalugit attavigiuk.