Kalaallit Nunaanni qarasaasiakkut isumannaallisaaneq tamakkiisumik ukkataraarput

Taama oqarpoq Ane Lone Bagger, Ilinniartitaanermut, Kultureqarnermut, Ilageeqarnermut Nunanullu Allanut Naalakkersuisoq, Naalakkersuisut suliassaqarfiannut akisussaasuusoq.

Ane Lone Bagger nangippoq:
Uagut, Naalakkersuisuni, ilisimavarput, qarasaasiakkut aarlerinaatit sumiiffimmut, piffissamullu attuumassuteqanngimmata. Taamaattumik ilisimavarput, Kalaallit Nunaat aamma saassunneqarsinnaasoq.

Nuna tamakkerlugu digitaliseeriinermut periusissiaq 2018-2021-imi sammisaq 2 Sillimaniarneq aamma Inuttut namminerisamik inuunermut tunngavoq, matuma ataani qarasaasiakkut aamma paasissutissanik isumannaallisaaneq, qarasaasiakkut upalungaarismaneq, EU-p ataani isumaqatigiissutip avataani nunatut isumannaatsutut inissisimaneq kiisalu innuttaasut paasissutissaataannik illersuineq. Digitalimik Sullissinermut Aqutsisoqarfik ullumikkut siunissamilu qarasaasiakkut isumannaallisaanissamut piumasaqaatinik annertusisanik naammassinnissinnaasunik suliniutinik arlalinnik ullumikkut suliaqaleruttorpoq. Suliniutit makkuupput:
  • Qarasaasiakkut isumannaallisaanerup unioqqutinneqarnissaa akiorniarlugu qulakkeerniarlugu danskit oqartussaasui, PET aamma FET suleqatigineri
  • Ukioq manna Kalaallit Nunaat EU-p ataani isumaqatigiissutip avataani nunatut isumannaatsutut inissisimalernissamut qinnuteqarpoq, tamatuma ammaatissavaa Kalaallit Nunaata NATO-p ataani qarasaasiatigut isumannaallisaanermut suleqataasinnaanera
  • Paasissutissanik isumannaallisaaneq DS 484-imit nunat tamalaat atugaannut ISO 27001-imut pitsanngorsaleruttorparput. Suliaq tamanna Deloitte suleqatigalugu ingerlavoq.
Naalakkersuisut soorunami nunatta innuttaasullu isumannaassusaat tamakkiisumik ukkataraarput – aamma qarasaasiakkut.

Ataqatigiinnermut aaqqissuussinerni Huawei atunngilarput.

Paasisaqarnerorusukkuit: Aqutsisoqarfimmi pisortaagallartoq Tony Ditlevsdal, Digitalimik Sullissinermut Aqutsisoqarfik, Oqarasuaat: +299 555812, Email: todi@nanoq.gl