Kangerlussuup Narsarsuullu siunissaat pillugit suliassat aallartipput

Kangerlussuup Narsarsuullu siunissaat pillugit suliassat allattorsimaffii atsiorneqarput – suliarlu aallartinneqarpoq. Ineqarnermut Attaveqaqatigiinnermullu Naalakkersuisoq Karl Frederik Danielsen aamma Qeqqata Kommuniata borgmesteria Malik Berthelsen kiisalu Kommune Kujallermi borgmesteri Kiista P. Isaksen atsiortuupput.

 

Suliassat allattorsimaffiisa imaat tamatta isumaqatigiissutigigatsigit, taamaalillunilu suliassat aallartinneqarsinnaalermata nuannaarutigaara”, Ineqarnermut Attaveqaqatigiinnermullu Naalakkersuisoq Karl Frederik Danielsen oqarpoq, itisiliillunilu: ”Suliassaalersussat kingunerisaannik pisariaqartitanik aalajangersimasorujussuarnik misissuissaagut, taamaalilluta nunaqarfiit marluusut siunissaat ataatsimoorluta paasinarsitissinnaalissagatsigu”.

 

Suliassat allattorsimaffiinut Nuummi, Ilulissani Qaqortumilu mittarfinnik sanaartornissamut inatsit maanna akuerineqarsimalersoq tunngavigineqarpoq, tassanilu allassimavoq, ”Kangerlussuup Narsarsuullu atorneqaannarnerisa annertussusissaat kingunerisassallu suleqatigiissitanit marlunnit, Namminersorlutik Oqartussanit, Qeqqata Kommunianit aamma Kommune Kujallermit ilaasortaqartunit paasiniaaffigineqassapput”.

 

Suleqatigiissitat suliassat allattorsimaffii akuerisat naapertorlugit sulineq ingerlateqqissavaat. Suliat Naalakkersuisunut aamma kommunalbestyrelsinut nalunaarusiornermik inerneqassapput, tamatumalu kingorna nalunaarusiat Kangerlussuarmi Narsarsuarmilu innuttaasunit oqallisigineqassapput.

 

Suliassat allattorsimaffii ukunani nassaarineqarsinnaapput:


Kangerlussuup siunissaa pillugusuleqatigiissitap suliassaasa allattorsimaffiat

 

Narsarsuup siunissaa pillugu suleqatigiissitap suliassaasa allattorsimaffia.

 

Annertunerusumik paasisaqarusunnermi Naalakkersuisup allattaa Steve Sandgreen  

email-ikkut: stes@nanoq.gl attaveqarfigineqarsinnaavoq.