Naalakkersuisut, Lene Kielsen Holm, Ilisimatusarnermik siunnersuisoqatigiinni ilaasortassatut toqqarpaat

Lene K. Holm ukiuni qulikkaani ilisimatusarfinni nunanit tamalaanit akuerisaasuni sunneqataasimavoq. Lene ilisimasanik ataatsimut pilersitsineq tunngavigalugu suleriaatsinik ineriartortitseqataasimavoq, tassalu ilisimatusaqatigiit ilisimatusartunik, najukkani atuisunik aammalu ilisimasalinnik nunaqavissunik naligiissumik atugaqartitsiviusumik katitigaapput. Suleriaaseq inissisimaffimmini malunniuteqarluartumik, aammalu Lene suleqatinilu 2018-imi januaarimi Tromsømi nersornaasiuttakkamik MOHN-imik nunani tamalaani ataqqisaasumik tunineqarput.

Annertunerusumik paasisaqarusunnermi saaffigineqarsinnaavoq, Najaaraq Paniula Ilisimatusarnermut ataqatigiissaarisoq, oqa.: +299 345000, e-mail: NAPA@nanoq.gl