Naalakkersuisut Københavnimi ukiortaarsiortitsinerat


Naalakkersuisut Kalaallit Nunaata Københavnimi Sinniisoqarfiani sisamanngornermi 2019-imi januaarip qulingani ileqquusumik ukiortaarsiortitsipput.

Naalakkersuisut Siulittaasuat Kim Kielsen Naalakkersuisut sinnerlugit tikilluaqqusisuuvoq. Kim Kielsen-ip saniatigut Aningaasaqarnermut Nunanilu Avannarlerni suleqatigiinnermut Naalakkersuisoq Vittus Qujaukitsoq aamma Ilinniartitaanermut, Kultureqarnermut, Ilageeqarnermut Nunanullu Allanut Naalakkersuisoq Ane Lone Bagger Naalakkersuisut sinnerlugit najupput.

Ilassinninnermi siullermi nunat assigiinngitsut Danmarkimut aallartitaat, siulersuisunut ilaasortat, ministerit allallu peqataapput, ilassinninnerullu immikkoortuata aappaani Kalaallit Nunaata ikinngutaanik taaneqartartut ilassineqarput.

Naalakkersuisut Siulittaasuata tikilluaqqusilluni oqalugiarnermini erseqqissarpaa Naalakkersuisut nunanut sanilerisatsinnut nunattalu allatigut suleqatigisartagaannut pitsaasumik attaveqarnissartik pingaartikkaat. Aamma nunatsinni ukiortaami oqalugiaaammini oqariartuutigisani pillugu oqaaseqarpoq:

”Kalaallit Nunaanni ukiortaamut oqalugiaatima pingaarnersaata imaraa Naalakkersuisut – Kalaallit inuutaasut peqatigalugit – ilungersuutissagipput Nunarput ilinniartitaanikkut, inunnik isumaginninnikkut minnerunngitsumillu aningaasarsiornikkut qaffassassagipput.Ukiortaarsiortitsinermi Nivi Nielsen nipilersoqateqarluni aliikkusersuivoq.”

Oqalugiaat uani atuaruk.

Assit uani takukkit

Paasisaqarnerorusuttut attavigisinnaavaat Tusagassiivimmi pisortaq Frederik Lund e-mail flun@nanoq.gl imaluunniit mobil +299 55 94 24