Aalisakkanut tamanut avataassiorluni pisassat tamakkerlutik aalajangersaaffigineqarput

Tunumi 2019-imi avaleraasartoortassat ammassassuartassallu Naalakkersuisunit 20. december 2018 aalajangersaaffigineqarnerisigut aalisakkanut tamanut tunngatillugu avataasiorluni pisassat tamakkerlutik aalajangersaaffigineqarsimalerput.

Takussutissiami uani kalaallit aalisartitseqatigiiffiisa Kalaallit Nunaata imartaani nunallu allat imartaanni pisassaat takuneqarsinnaapput.

Tamatuma saniatigut nunat allamiut nunat tamalaat isumaqatigiissutaat naapertorlugit Kalaallit Nunaata imartaani aalisarsinnaasaat takuneqarsinnaapput. Taamatuttaaq saattuanut uiluinnullu tunngatillugu pisassat nalunaarsorneqarnerat takuneqarsinnaavoq.

Ammassannut tunngatillugu Islandip imartaani misissuinerit ingerlanneqalerput. Misissuinerit pineqartut inerneri pisassiinissamut tunngavissiisinnaassanersut paasinarsissaaq.

Attavigineqarsinnaavoq Aalisarnermut, Piniarnermut Nunalerinermullu Naalakkersuisoqarfimmi immikkoortortami pisortaq, Emanuel Rosing. E-mail: emro@nanoq.gl

TAC-t pisassiissutit 2019-imi kalaallit avataasiorlutik aalisariutaatileqatigiiffiisa aalisariutaataasalu akornanni agguaassassat nunallu allamiut nunatta imartaanni aalisarsinnaasaat


2019-imut TAC saattuanut uiluinnullu