Kaspap ilaqutaanut misiginneqatiginnissut

Blomst

All.: Martha Abelsen, Peqqissutsimut, Isumaginninnermut Inatsisinillu Atuutsitsinermut Naalakkersuisoq

Danmarkimi 2. januar qimuttuitsut ajutoorneranni Kasper Brix Bærndt toqusut ilagisimagaat ajuusaarutigeqalugu tusarparput.

Kasper 30-iinnarnik ukioqalerpoq.

Peqqissutsimut siunnersortitut 1. august 2016-imiit Kasper Peqqissutsimut Naalakkersuisoqarfimmi sulivoq. Ukioq siulleq suliat peqqinnissaqarfimmut tunngassuteqartut suliarai, peqqinnissarlu pillugu Kommuneqarfik Sermersuumut isumaqatigiissut ilaatigut allattaaffigisimavaa. Ukiup aappaata affaa kingulleq Paarisamiippoq aanngajaarniutinullu kinguaassiornermilu peqqinnissaq pillugu suliassaqarfiinni suliassat suliarisimallugit. Kasper sulisuusimavoq suleqataasimallunilu pingaaruteqartoq, piffimmilu suleqatigiinnissamut ataatsimiititaliaq eqeersimaarluni suleqataaffigisimavaa, suliffeqarfimmilu suleqatigiinnissaq atugarissaarnissarlu pingaartissimaqai. Sulisut peqatigiiffianni Allumi eqeersimaarluni ilaasortaasimavoq ikinnguterpassuaqarlunilu. Inuit akornanni suliniutinut suleqataalluartarpoq timersuutinillu arlalinni timersortartuusimalluni.

Kalaallit Nunaaniinnermini inuttut suliaminullu tunngasunut ineriartorsimavoq suleqataasalu nalunngilaat Kalaallit Nunaanni suliffini inuuninilu nuannaarigai.

Kaspap ilaqutaanut nalunngisaanullu tamanut qamannga pisumik misiginneqataavunga.