Appat piniagaaffii pillugit eqqaasitsissut

Appat lomvier

Aalisarnermut, Piniarnermut Nunalerinermullu Naalakkersuisoqarfiup matumuuna appat piniagaaffi eqqaasitsissutigissavai, Timmissanik illersuineq piniarnerlu pillugit Namminersorlutik Oqartussat nalunaarutaat nr. 1, 5. januar 2017-imeersoq naapertorlugu. Appat nunap immikkoortui 3 aamma 4-mi novembarip aallaqqaataani piniagaalertarput nunap immikkoortuani 3-mi 15/12 nal. 24:00 piniagaajunnaarluni kiisalu nunap immikkoortuani 4-mi 31/12 piniagaajunnaarluni, uuma ataani takuuk.

Appat piniagaaffii:

Nunap imm. 3

Nunap imm. 4

01.11-15.12

01.11-31.12

Aqutsiveqarfik nunap immikkoortua zone 3: Avannamut killeqarfia zone 2-p kujammut killeqarfia malillugu Maligaat nalaani naleraq Avannarpasissuseq N 70o17’4.66” V 56o57’26.7”. Kujammut killeqarfigaa Kanajoorartuut nalaani naleraq Avannarpasissuseq N 60o22’46.5 Kippasissuseq V 44o59’49.8”.

Aqutsiveqarfik nunap immikkoortua zone 4; Kujammut killeqarfia aqutsiveqarfik 3-mi killeqarfik malillugu Kanajoorartuut nalaani naleraq Avannarpasissuseq N 70o17’4.66” Kippasissuseq V 56o57’26.7”. Avannamut killeqarfigaa Kap Biot-i naleraq Avannarpasissuseq N 71o52’49.9 Kippasissuseq V 22o39’19.6”.

Ullormut appattassat:

5. januar 2017-imiit inuussutissarsiutigalugu piniartut sunngiffimmilu aallaaniartartut ullormut amerlanerpaamik pisarineqarsinnaasut ataani takuneqarsinnaapput:

 

Inuussutissarsiutigalugu piniarnermut allagartallit

Sunngiffimmi aallaaniarsinnaanermut allagartallit

Nalunaarut 5. januar 2017-imeersoq

20

3

APNN-ip erseqqissaatigissavaa appat tunisaaneri taamaallaat piniagaaffiisa nalaani pisinnaammat. Aamma eqqaasitsissutigineqassaaq appat taamaallaat aqutsiveqarfiup iluani tuniniarneqarsinnaammata. Unioqqutitsisoqassagaluarpat politiinut nalunaarutigineqassaaq.

Timmissat piniagaaffii tamarmiusut Erhvervsportalimi takuneqarsinnaapput, uani: http://www.businessingreenland.gl/kl-GL/Fiskeri,-Fangst-og-Landbrug/Fangst-og-jagt/Fugle

Tassani aamma nunap immikkoortui, zone-nut immikkortiternerinut takussutissiaq aaneqarsinnaavoq, uanili ilanngussatut 1-tut ilanngunneqarpoq.

Sukumiinerusumik paasisaqarusukkaanni immikkoortortaqarfimmi pisortaq Amalie Jessen attavigiuk, Aalisarnermut, Piniarnermut Nunalerinermullu Naalakkersuisoqarfik, oqarasuaat 34 53 04, e-mail: Amalie@nanoq.gl

Aqutsiveqarfiit pillugu allattorsimaffik