105.000 tonsit aappaagumut raajartassiissutaapput

Naalakkersuisut decembarip arfernanni aalajangerpaat Kitaani raajat 105.000 tonsit aappagu pisassiissutigineqassasut.

Kitaani raajat 2019-imut pisassiissutigineqartut ukioq maannamut sanilliullugit 3.750 tonsinik amerlanerussapput, ukioq manna raajartassiissutit 101.250 tonsiummata.

Biologit Kitaani 2019-imut innersuussutaat 105.000 tonsiupput.

Aappaagumut pisaasiissutaasunit 2.800 tonsit EU-mut pisassiissutigineqarput, EU-mik isumaqatigiissut naapertorlugu.

1.617 tonsit Canadamut aamma pisassiissutaapput.

Tunumi raajat 4.000 tonsit pisassiissutaapput.

Biologit Tunumi 2019-imut innersuussutaat 2.000 tonsiupput.

Attavigineqarsinnaavoq Aalisarnermut Nunalerinermullu Naalakkersuisoqarfimmi immikkoortortami pisortaq, Emanuel Rosing. Email: emanuel@nanoq.gl