Aalisarnermut sunniuteqaqisoq toqukkut qimaguppoq

Aliasuutigeqisatsinnik decembarip 7-ianni tusarlerneqarpugut Anders Brøns toqusimasoq.

Anders Brøns ilisarisimanngilara. Taamaattoq nunatta aningaasarsiorneranut sunniuteqarluarsimaneranut qujaffigiumara.

Namminersornerullutik Oqartussanit nunatsinni aalisarnermik inerisaaqataasimaneranut angisuumik qujassutissaqarfigaarput.

Aalisarnermut sunniuteqartorujussuusimanera pillugu ataqqivara, allarpassuarnut aalisarnermut kajumilersitseqataasimammat, nunatsinnilu inuussutissarsiornermut aamma maligassiuisutut peqataasimanera pillugu.

Nunatsinni piniartut inuussutissarsiornerannut Great Greenlandip siulersuisuini ilaasortatut aamma siulittaasuusimasutut angisuumik sunniuteqaqataasimavoq.

Anders Brøns pikkoreqaluni suliffinnik pilerseqataasarsimavoq. Aalisarnerup inuussutissarsiutigineqarnera tamaat sunniuteqarfigingaarlugu peqataasimalluni.

Naalakkersuisut sinnerlugit ilaqutaanut, ikinngutaanut suleqataanullu misiginneqataangaarpunga.

Anders Brøns imaannaanngitsuusoq nunatsinni ukiorpassuarni maqaasineqartussaavoq.
Anders Brønsip eqqaaneqarnera ataqqinartuuli

Naalakkersuisut sinnerlugit, Aalisarnermut, Piniarnermut Nunalerinermullu Naalakkersuisoq, Nikkulaat Jeremiassen