Siusinaartumik pensionisialinnut killeqarfinni aporfiit peerneqassapput

Danmarkimi beskæftigelsesministeri Troels Lund Poulsen, Isumaginninnermut Naalakkersuisoq Eyðgunn Jana Samuelsen, Savalimmiut, Kalaallit Nunaannilu Peqqissutsimut, Isumaginninnermut Inatsisinillu Atuutsitsinermut Naalakkersuisoq Martha Abelsen Savalimmiuni, Kalaallit Nunaanni aammalu Danmarkimi pensionisianut malittarisassanik qulaajaaneq pillugu Nalunaarusiamit 2016-imeersumit inerniliussat ullumikkut oqallisigivaat.

Naalagaaffeqatigiit akornanni nuunnermi, ingammik siusinaartumik pensionisiallit killeqarfinni aporfeqartartut nalunaarusiap takutippaa. Siusinaartumik pensionisiallit Naalagaaffeqatiginnerup iluani nuuttut, naalagaaffimmi immikkoortortami nuuffigisamut siusinaartumik pensionisiaqalernissaq nammineerluni takkunneq ajortoq, naalagaaffimmili immikkoortortami nuuffigisamut siusinaartumik pensionisiaqalernissamut qinnuteqarnissaq matumani qulaajaanerup takutippaa.

Taanna killeqarfinni aporfik Naalagaaffeqatigiit akornaniittoq ministerinit pingasunit oqallisigineqarsimavoq. Siusinaartumik pensionisiallit pillugit killeqarfinni aporfiusartut aaqqiiviginiarlugit sulisoqassasoq ministerit pingasut ataatsimiinnermi isumaqatigiipput, suliniutit pingasut malillugit:

1. Piffissamik sullissiviusumik sivikillisitsisinnaasumik paasissutissanik paarlaasseqatigiinnikkut.

2. Ikaarsaariarnermi aaqqissuussinikkut, siusinaartumik pensionisiaqartoq naalagaaffimmi immikkoortortamut allamut nuunnermi siusinaartumik pensionisiani pigiinnarsinnaavai, allamik pilersornissamut tunngavissaqalernissap tungaanut – sivisunerpaamilli qaammatini aqqaneq-marlunni.
3. Siusinaartumik pensionisiallit sulisinnaassuseqanngitsut, annikitsuaqqamilluunniit sulisinnaassusillit, Danmarkimi siusinaarluni pensionisiaqalernissamut akuerisaasimasut imaluunniit Savalimmiuni Kalaallit Nunaanniluunniit siusinaartumik pensionisianik qaffasinnerpaanik pisartagallit, naalagaaffimmi immikkoortortamut nuuffigisaminnut nammineq siusinaartumik pensionisianik pisartagaqarnikkut.

Peqqissutsimut, Isumaginninnermut Inatsisinillu Atuutsitsinermut Naalakkersuisup Martha Abelsenip oqaatigaa: “Naalagaaffeqatigiinni nunani pingasuni ukiut arlallit pensionisiaqarnermut tunngasuni qulaajaaneqareersoq, massakkut tigussaasunik pitsanngorsaanernik suliaqarniarlutik isumaqatigiimmata nuannaarutiginarpoq. Suliniutit pingasut pillugit sulinissaq aallartinneqarpat, naalagaaffeqatigiinni aaqqissuussat pioreersut imminnut ataqatigiilluarnerulernissaat qulakkeerneqassaaq. Taamaattumik Savalimmiuni, Kalaallit Nunaanni aamma Danmarkimi pensionistinut ulloq ajunngitsuuvoq”

Sukumiinerusumik paasissutissat pillugit Ministersekretæri Inger Heilmann Larsen attavigiuk oqa. 554160 imaluunniit e-mail ihla@nanoq.gl

Pensionisiaqarnermut tunngasuni tamakkiisumik qulaajaanermut linki