Arfernik angisuunik illersuineq piniarnerlu pillugit nalunaarut nutaaq

Arfernik angisuunik illersuineqpiniarnerlu pillugit Namminersorlutik Oqartussat nalunaarutaat nr. 9, 6. december2018-imeersoq Naalakkersuisunit 6. december 2018-imi akuersissutigineqartoq ilanngunneqarpoq.     

 

Arfernik angisuunik illersuineq piniarnerlu pillugit nalunaarut 22. januar - 19. februar 2018-imut tamanut tusarniutigineqareerpoq.

 

Arfernik angisuunik illersuineq piniarnerlu pillugit nalunaarutip misissoqqinnerani arfernut angisuunut sisamaasunut tamanut maleruagassat assigiissaarnissaat pingaarnertut siunertaavoq:

 

  • Tikaagullinnut qaammatini qulingiluani piniarsinnaatitaaneq atorunnaarpoq, taamaalilluni ukioq naallugu januaarip aallaqqaataaniit decembarip 31-anut piniarneqarsinnaalissallutik.

  • Tikaagulliusaat takissusaannut 15,2 meterinut piumasaqaat atorunnaarpoq aamma

  • Inatsisitigut, aaqqissuinikkut teknikikkullu allannguinerit.

 

Maleruagassat siornatigut malinneqartut IWC-mi malittarisassanut qilersorsimapput, taakkulu kingullermik september 2018-imi ataatsimiinnermi (IWC67) allanngortinneqarput.  Arferit inersimasut kisimik piniarneqarsinnaanerat akuerisaavoq.  Aammali arferit inersimasut piaraqartut eqqissimatitaapput. 

 

Paasissutissat sukumiinerusut pillugit attavigineqassaaq:

Immikkoortortaqarfimmi pisortaq Amalie Jessen, tlf: 34 53 04, email: amalie@nanoq.gl