2019-imut aningaasanut inatsit pillugu isumaqatigiissut

Naalakkersuisooqatigiit, Inuit Ataqatigiit aamma Demokraatit ullumi 2019-imut aningaasanut inatsit isumaqatigiissutigaat.

 

Isumaqatigiissuteqartut tamarmik isumaqatigiissut iluaraat, nunatsinnilu inuussutissarsiornermik eqaannerusumik aammattaaq amerlanerusut suliinnarnissaannik imaqartoq.

 

Aningaasanut inatsit aqqutigalugu pisortat sullissinerat pitsaanerusoq alloriarfiussaaq pingaarutilik, angusanik pitsaanerusumillu aningaasartuutinik atuinermi angusaqarnissamik pisussaaffiliisoq. Isumaqatigiissummi ilaatigut aningaasarsiornerup siuariartortinnissaa suliffissaqartitsinermillu annertusaanermik aningaasaliineruneq, taassanilu sulinermi ilanngaat aammalu soraarnerussutisiaqarluni sulinerup saniatigut isertitanut killigititaasup qaffanneqarnissaanik imaqartoq. Aamma inunnik isumaginninnermi, ilaqutariinnilu meerartallit atugassarititaasut pitsanngorsaaviginissaat isumaqatigiissummi qulakkeerneqarpoq.

 

Aningaasanut inatsimmi timersorneq aamma aalisarneq pillugu ataatsimiititaliarsuup sulilernissaanut piareersaatit pingaartinneqarput.

 

2019-imut aningaasanut inatsimmi piffissamut 2019-2022 ingerlatsinermut sanaartornermullu aningaasartuutini 21,2 millioner koruuninik sinneqartoortoqarnissaa takuneqarsinnaavoq, 2019-imi 7,2 millioner koruuninik sinneqartoqarnissaa takuneqarsinnaalluni.

Sukumiinerusumik paasisaqarusuttut saaffigisinnaavaat Naalakkersuisumut allattaagallartoq Pilunnguaq M. Poulsen oqarasuaat 34 56 66 imaluunniit e-mailikkut: pilu@nanoq.gl

Isumaqatigiissut PDF-inngorlugu nuisiguk

Saqqummiinermi najoqqutassiaq PDF-inngorlugu nuisiguk.