Raajat qalipallit avammut tunineqartut siorna naleqarnipilussuupput

Stemningsbillede

Nuannaarutigalugu oqaluttuarisinnaavara raajat qalipallit avammut 2017-imi tunineqarneri 1,003 milliarder koruuninik naleqarmata, 2016-imut naleqqiullugit 124 millioner koruuninik naleqarnerullutik. Raajat qalipaajakkat qalipallillu 2016-imit 2017-imut 80 millioner koruuninik naleqarnerusimallutik, taama Aalisarnermut, Piniarnermut Nunalerinermullu Naalakkersuisoq, Nikkulaat Jeremiassen, Inatsisartunut TAC pisassiissutillu pillugit nassuiaammik tunniussinerminut atatillugu oqarpoq. 

Nassuiaammi ilaatigut atuarneqarsinnaapput nunatsinni aalisagartassiissutit tamaasa, taakkulu avammut tunineqarnerisa nalingi. Qalerallit, saarulliit raajallu avammut 2016-imit 2017-imut tunineqarnerisa nalingi 2,828 milliarder koruuniusut 175 millioner koruuninik nalikinnerulerneri. 

Aalisakkat pineqartut marluk raajallu avammut tunisartakka nalingi 75 procentiummata. 

TAC pisassiissutillu pillugit Inatsisartunut nassuiaat 2017 tamaat uani atuarsinnaavat. 

Attavigineqarsinnaavoq Aalisarnermut, Piniarnermut Nunalerinermullu Naalakkersuisoqarfimmi pisortaaneq, Jørgen Isak Olsen. E-mail: jio@nanoq.gl