2018-mut aningaasaliinissamut isumaqatigiissut EU-p Kalaallit Nunaatalu akornanni atsiorneqarpoq

Novemberip 14-anni 2018 ukioq manna EU-p Kalaallit Nunaatalu akornanni aningaasaliinissamut isumaqatigiissutaat Europa-Kommissionimit Naalakkersuisullu Bruxellesimi Kalaallit Nunaata Sinniisoqarfia aqqutigalugu atsioqatigiissutigaat. Ukioq manna isumaqatigiissut atorfilittatigoortumik atsiorneqarpoq – EU sinnerlugu nunat tamalaat akornanni suleqatigiinnissamut ineriartortitsinermulu General-direktoratimi pisortaq Jolita Butkeviciene Naalakkersuisullu sinnerlugit Kalaallit Nunaata Bruxellesimi Sinniisoqarfimmi pisortap Mininnguaq Kleistip atsiorpaat.

 

Aningaasalersuinissamut isumaqatigiissuteqarnikkut ukioq manna aningaasaliissutissat EUR 32,11 mio., tassa 239 mio.kr.-nit missaani annertussusillit, EU-mit Kalaallit Nunaannut Aalajangiussaq (”Suleqatigiinnissamik isumaqatigiissut”) aallaavigalugu aningaasat Kalaallit Nunaannut nuunneqarsinnaalerput. EU-mit aningaasaliissutit ilinniartitaanermut, tassani meeqqat inuusuttullu Kalaallit Nunaanni ilinniarnissamut suliaqarneranut atorneqassapput.

 

Maanna suleqatigiinnissamik suliniutip Den Europæiske Unionip pisussaaffianik ersarissaavoq, tassani Kalaallit Nunaanni imminut nappassinnaasumik ineriartortitsinissaq, pingaartumik Kalaallit Nunaanni ilinniartitaanerup inuussutissarsiornermilu ilinniarnissat nukittorsarneqarnissaat eqqarsaatigalugu. Suleqatigiinneruttaaq ersersippaa Naalakkersuisut ilinniartitaanerup qaffassarnissaanut atuarlertussaanermit qaffasissumik ilinnialernissamut siuarsaaniarlutik suliniutaataat.

 

Tunuliaqutaq

Kalaallit Nunaata ilinniartitaanermut sulinerani EU-p EUR 217,8 mio. aningaasaliivoq (1,6 mia.kr. missaaniittut), tassuunakkut ilinniartitsisut atuarfiillu aqutsisuisa piginnaanngorsaqqinnissaat, inuusuttut ilinniarnerminnit naammassinnittut amerlinerinut aammattaaq ilinnialersartut 2014-mit 2020-mut amerlinerinut qulakkeerinneqataapput. Ataatsimut isigalugu 2007-mit Kalaallit Nunaanni ilinniarsimassutsip qaffasissusaa qaffakkiartorpoq.

 

Attavissaq:

Mininnguaq Kleist:

Mail: mikl@nanoq.gl

Mobil: +32 499 99 98 58