Drone-nut maleruagassanik atuutsitsilernissami killiffik

Stemningsbillede af Indlandsisen Timmisartumik angallannermut inatsimmut allannguutissatut siunnersuutit assigiinngitsut atuutilersinneqarnissaat pillugu peqqussut Inatsisartut ulloq 19. oktober 2017 akueraat.

Peqqussut ilaatigut drone-nut maleruagassat, Danmarkimi 2016-imi timmisartumik angallannermut inatsisip allanngortinneqarnissaa pillugu inatsimmi atuutsinneqalersut, atuutilernissaannik kinguneqartussaavoq.

Taamaattoq peqqussut malillugu drone-nut maleruagassat taakkua aatsaat Transport-, Bygnings- og Boligministerip tamatumunnga aalajangersakkanik aalajangersaareernerata kingorna Kalaallit Nunaannut atuutsinneqalissaaq. Tamanna aatsaat allannguutissatut siunnersuummi tunngaveqartumik Kalaallit Nunaanni drone-nik timmisitsinissaq pillugu nalunaarut suliarineqareerpat pisinnaalissaaq.

Tamanna suli pinngilaq.

Tamatumunnga pissutaavoq, suliassaqarfimmi EU-mi maleruagassat malitsigisaannik, danskit drone-nut maleruagassaasa qanittumi allanngortinneqarnissaasa naatsorsuutigineqarsinnaanera. Taakkua maleruagassanit Danmarkimi atuuttunit salliutinneqartussaapput. EU-mi maleruagassat 2019-imi naatsorsuutigineqarput.

Taamaalilluni maannakkut danskit maleruagassaannut taarserneqartussanngortunut, taarsiullugu 2019-imi Kalaallit Nunaanni maleruagassaalertussanik atuutsitsilernissaq naleqqunnerpaavoq.

Tamanna isumaqarpoq, maleruagassat nutaat atuutilersinnaanissaasa – 2019-imi naatsorsuutigineqartup - tungaanut BL 9-4 Kalaallit Nunaanni atuutiinnassasoq.

Paasissutissanik piniarnermi Naalakkersuisumut allatsi Steve Sandgreen attaveqarfigineqassaaq, mail: stes@nanoq.gl