Kinguaassiutitigut atornerluisarneq akiorniarlugu Futsalimik unamminerit

Nuummi Illorsuaq Timersortarfimmi sapaat 11. november aamma arfininngorneq 17. november 208-imi ”Killiliisa Cup” ingerlanneqassaaq.

”Killiliisa Cup”-imi ilaatigut nunanut allanut unammisartut A aamma nunanut allanut unammisartut U19 takutitsillutik unammissapput.

”Killiliisa Cup”-imut programmi:
Sapaat 11. november 2018
  • Nal: 17:30 B-67 unammissavaat NûK (U17) Niviarsiaqqat
  • Nal. 19:00 Kultureqarnermut Naalakkersuisoq, Ane Lone Bagger oqalugiassaaq
  • Nal. 19:00 Nunanut allanut unammisartut A unammissavaat Nunanut allanut unammisartut U19
Arfininngorneq 17. november 2018
  • Nal. 13:30 B-67 unammissavaat GSS (U15) Nukappiaqqat
  • Nal. 15:30 Nunanut allanut unammisartut A unammissavaat Holdit Nuummeersut
Takutitsilluni unammisaqattaarnerit ingerlanneqarnerannut siunertaavoq timersornermi kinguaassiutitigut atornerluinernik akiuiniarnerup ukkatarinissaa.

Naalakkersuisut kinguaassiutitigut atornerluineq akiorniarlugu periusissiaat 2018-2022 Killiliisa saqqummermalli kattuffiit assigiinngitsut kinguaassiutitigut atornerluinerit ikilisikkiartortinnissaat pillugu suliniutinut peqataarusullutik assut soqutiginnissimapput.
Tassunga atatillugu Kalaallit Arsaattartut Kattuffiat (KAK) Isumaginninnermut Aqutsisoqarfimmut saaffiginnissimapput timersornermi kinguaassiutitigut atornerluisoqartannginnissaa siunertaralugu killiliisarnermut suleqataarusullutik. Tamanna tunngavigalugu ”Killiliisa Cup”-ip aaqqissuunneqarsimavoq.

Siunissami Isumaginninnermut Aqutsisoqarfimmit KAK-imi sungiusaasut kinguaassiutitigut atornerluisoqarsimanermik pasitsaassisoqarnermi pitsaanerusumik iliuuseqarsinnaassusaat anguniarlugu ilinniartitsillutik tapersersuerusupput.

Kinguaassiutitigut atornerluinermut sorsuuteqarneq sorsuutaavoq ataatsimoorussaq, KAK-illu ”Killiliisa Cup” aqqutigalugu kinguaassiutitigut atornerluinermut atatillugu paquminartuujunnaarsaanermut suleqataavoq aamma sammisaq pillugu ammanerusumik oqaloqatigiittoqartalernissaanut aqqutissiuilluni.

”Killiiisa Cup” pillugu paasisaqarnerorusukkuit uani atuarit.