Qilalugarniarnermi maleruagassanik atuuttunik erseqqissaaneq

Saaffiginnissutit arlallit peqqutigalugit, pingaartumik Upernaviup aqutsiveqarfianiit, Aalisarnermut Piniarnermut Nunalerinermullu Naalakkersuisoqarfik qilalukkanik qaqortarniarnermi qernertarniarnermilu maleruagassanik atuuttunit erseqqissaassaaq.

Qilalukkat qaqortat qernertallu piniagaapput pingaarutilissuit atorluagassallutillu tamakkiisumik. Allatut iliuuseqarnerit tamaasa inerteqqutaapput, akuerineqarsinnaanani nunattalu pisuussutaannik atornerluinerulluni.

Taamaammat piniarnermi inatsit atuuttoq naapertorlugu piniarneq ingerlanneqassaaq. Tassungalu ilaavoq pisarisaq tamakkerlugu atorneqarnissaa. Pisaqarnermi neqi, nerineqarsinnaasut atorneqarsinnaasullu tamarmik nassarneqartassapput. Akuersissuteqarani piniarneq pisaqarnissarlu asuliinnarlu ikilersuineq Kalaallit Nunaata nunanit allaniit isigineqarnerata innarlersinnaavaa piniartullu siunissami piniarnissamut periarfissaat pitsaanngitsumik sunnersinnaallugu.

Pinngortitap pisuussutaanik atuineq akisussaaffiliivoq.

Maleruagassanik aalajangersakkanik unioqqutitsinerit akiliisitsinermik kinguneqarsinnaapput sunngiffimmilu imaluunniit inuussutissarsiutigalugu piniarnermut allagartamik akuersissummillu arsaarinnittoqarsinnaalluni.

Taamaattumik naalakkersuisoqarfiup qilalukkanik qaqortanik qernertanillu piniarneq eqqissisimatitsinermullu nalunaarut atuuttoq pisassiissutigineqartullu piniartunit tamanit ataqqineqarnissaat inassutigissavaat.

Sukumiinerusumik paasisaqarusukkaanni immikkoortortaqarfimmi pisortaq Amalie Jessen, oqarasuaat 34 53 04, e-mail: amalie@nanoq.gl