Narsami-Qaqortumi assagiarsunniarunnaartoqassaaq

Krabber 1 Naturinstitut Aalisarnermut, Piniarnermut Nunalerinermullu Naalakkersuisoqarfiup matumuuna nalunaarutigaa aqutsiveqarfimmi Narsaq-Qaqortoq assagiarsunniarneq tallimanngorpat novembarip 9-anni 2018-imi unitsinneqassammat.

Ulloq manna pingasunngorneq, novembarip arfineq aappaat tassaavoq pullatinik ningitiffik kingullerpaaq. Tallimanngorpat, novembarip qulingiluaat tassaalluni assagiarsunnik tunisineq kingullerpaaq.

Aqutsiveqarfimmut assagiarsuit pisassiissutigineqartut 225 tonsiupput, taakkunanit maannamut 217 tonsit aalisarneqarsimalereerput.

Attavigineqarsinnaavoq: Niels J. Laursen, Kalaallit Nunaanni Aalisarsinnaanermut Akuersissutinik Nakkutilliisoqarfik, KANUAANA, e-mail: NILJ@nanoq.gl