Amerikamiut aningaasaliissuteqarneri pillugit Sermitsiap ilanngutassiai tunngavigalugit naqqiissuteqarneq

Sermitsiap sapaatip akunnerani 43-mi mittarfinnut attuumassuteqartumik ilanngutassiaa “Amerikami sakkutooqarfik nunatsinni aningaasaleerujussuarniartoq" kiisalu Sermitsiap qarasaasiakkut attaveqaammi ilanngutassiaa “USA Ilulissani mittarfimmut nutaamut 1 milliardimik aningaasaliiniarpoq” 26. okt. 2018-meersoq innersuunneqarput. Ilanngutassiani taakkunani ilaatigut allassimavoq Ilulissat Mittarfiannut aningaasalersueqataanissamut 1 milliard koruunit missiliorlugit aningaasaliissuteqarnissamut USA piareersimasoq. 

Siusinnerusukkut Nunanut Allanut Naalakkersuisoqarfiup tusagassiorfinnut ilisimatitsissutigaa, amerikamiut mittarfitsigut attaveqaasersuutinut aningaasaliissuteqarsinnaanermut periarfissarsiornerinut tunngatillugu Kalaallit Nunaata Danmarkillu USA attaveqarfeqarfigisarsimagaat. Tamakkua tamarmik illersornissaq pillugu suleqatigiinnermut tunngaviusut Permanent Committeemik taaneqartartup iluaniipput. 

Tassunga atatillugu Nunanut Allanut Naalakkersuisoqarfiup ilisimatitsissutigisinnaavaa, mittarfinnut attuumassuteqartunik aningaasaliissuteqarsinnaanerit USA-p Naalagaaffeqatigiinnermut nalunaarsimanngimmat Kalaallit Nunaanni sumi inissinneqassanersut aalajangiutivissimanngimmagit aningaasaliisinnaanerilluunniit taakkua annertussusissaat aalajangersimanagu.

Taamaattumik tusarneqartut piviusuusinnaasullu uppernarsarniarlugit Kalaallit Nunaanni Danmarkimilu pisortat akisussaasut attavigeqqullugit Naalakkersuisoqarfiup tusagassiorfiit inussiarnersumik kaammattussavai. 

Sukumiinerusumik paasisaqarusukkuit naalakkersuisoqarfimmi pisortaq Kenneth Høegh e-mailikkut kenh@nanoq.gl attavigiuk.