Ukioq manna pingasunngorpat kapisilinniarunnaartoqassaaq



Ukioq manna kapisilinniarneq pingasunngorpat oktobarip 31-anni nalunaaqutaq 24.00 unitsinneqassaaq.

Piffissap pineqartup kingorna kapisilinniarneq inerteqqutaalissaaq. Taamaattumik qassutit tamarmik oktobarip 31-anni 2018-imi qaqinneqareersimassapput.

Kapisilinniarneq pillugu nalunaarut naapertorlugu inuussutissarsiutigalugu kapisilittarineqarsimasut tamarmik Kalaallit Nunaanni Aalisarsinnaanermut Akuersissutinik Nakkutilliisoqarfimmut, KANUAANA-mut, nalunaarutigineqassapput.

Aalisartut tamarmik kapisilinniarnissamut akuersissuteqarlutik allagartallit kapisilinniaraluarlutik pisaqarsimanngitsut kapisilittanut nalunaarsuiffissaq 0-imik nalunaarlugu nassiutissavaat.

Uunga nalunaartoqassaaq; KANUAANA, Postboks 501, 3900 Nuuk, Telefax 34 63 60 imaluunniit e-mailikkut unnga: gflk@nanoq.gl.

Kapisilinnik pisanut immersuiffik uani pisinnaavat: KANUAANA, imaluunniit nittartakkakkut: https://www.sullissivik.gl

Kapisilimmik meqqilimmik pisaqaruit, periarfissaraat meqqi Pinngortitaleriffimmut nassiutissallugu, taava NASCO-p ukiumoortumik ataatsimiinnissaata tullianut atatillugu makitsinissamut peqataasinnaassaatit. NASCO ukiut tamaasa eqqugassamik 1.500 U.S. dollarsinik aningaasartalimmik makitsisarpoq.

Naalakkersuisut juunip 8-anni 2018-imi aalajangerpaat nunatsinni ukioq manna aggustip 15-iannit oktobarip 31-annut 30 tonsinik kapisilinniartoqarsinnaassasoq.

Attaveqarfissaq: Niels J. Laursen, pisortap tullia, Kalaallit Nunaanni Aalisarsinnaanermut Akuersissutinik Nakkutilliisoqarfik. Mail: nijl@nanoq.gl