Kuannersuarni suliniummut VSB pillugu nassuiaatip allaqqaakkap tamanut saqqummiunneqarnera

Inuussutissarsiornermut Nukissiuuteqarnermullu Naalakkersuisoqarfik Kuannersuarni suliniutaasumut VSB pillugu nassuiaammut allaqqitassatut missingiut allagaatinik takunnikkumanermut noqqaassutinik arlalinnik tigusaqarsimavoq. Naalakkersuisoqarfiup nalilersuinermini aalajangersimavaa VSB pillugu allaqqitassatut missingiut tunniunneqarsimasoq paasitinneqarsinnaatitaanermut ilaasinnaasoq. Tassunga atatillugu naalakkersuisoqarfiup maannamut allaqqaagaasut tamanut saqqummiunneqarnissaat qinersimavaa, naalakkersuisoqarfik isumaqarmat susassaqartut tamarmik allagaatit ataatsikkut takusinnaassagaat. Naak VSB inaarutaasoq aatsaat tusarniaanermut atatillugu kikkunnit tamanit pissarsiarineqarsinnaalertussaagaluartoq, tak. aatsitassat pillugit inatsimmi § 87 b.

Kisianni erseqqissaatigineqassaaq missingersuusiap allaqqitassap pinngitsoorani assigisariaqanngikkaa VSB pillugu nassuiaasiaq aatsitassanut inatsit naapertorlugu tamanut tusarniaassutigineqarumaartoq.

Ilanngullugulu malugeqquneqassaaq aamma maannamut missingersuusiaagallartoq allaqqitassaq maanna pitsaassusissaatigut qularnaarumallugu suliarineqarmat, taamaammallu oqaatsini assigiinngitsuni allagaatit nikingassuteqarsinnaallutik.

Taamaattumik missingersuusiamik allaqqitassamik atuarnermi tunuarsimaarfigineqartariaqarpoq suliniutip killiffigisaa pillugu eqikkaanissaq. Eqikkaagallarnermimi tunngaviusut allanngorsinnaammata VSB-mik nassuiaasiami inaarutaasutut saqqummiunneqartumi.

VSB-mik nassuiaammut missingersuusiatut allaqqitassaq iserfiginiarlugu ataani allassimasut toorneqarsinnaapput:

Kalaallisut allassimasoq

Tuluttut allassimasoq

Qallunaatut allassimasoq

Paasisaqarnerorusukkaanni attavissaq tassaavoq: Inuussutissarsiornermut Nukissiuuteqarnermullu Naalakkersuisoqarfik, e-mailikkut: isiin@nanoq.gl.