Kulturip eqqumiitsuliornerullu pitsanngortinnera

Ilinniartitaanermut, Kultureqarnermut Ilageeqarnermullu Naalakkersuisoqarfiup nuannaarutigalugu nalunaarutigissavaa, nunatsinni eqqumiitsuliorneq 3,5 mio. kr.-imik pitsanngoriarmat, Aningaasaqarnermut Akileraartarnermullu Ataatsimiititaliap Naalakkersuisut, kulturimut tapiissutit qaffannissaannut qinnuteqaataata akuerinerata kingorna. Taamaalillutik eqqumiitsuliortut timersoqatigiiffiillu tapiissutinut qinnuteqarnissaminnut immikkut ittumik novemberimi periarfissaqalerput.

2018-imut Inatsisartut Aningaasanut Inatsisaanni suliniutinut nutaanut sillimatinut aningaasanik, tassani ilaatigut pineqarlutik eqqumiitsuliornermut kulturimullu tunngasut, immikkoortitsisoqarpoq.

Aningaasaliissutit atuakkiortunut aamma atuakkanik saqqummersitsinermut atorneqassapput, tassani atuakkanik kalaallisut saqqummersitsinermut tapiissutit 0,5 mio. kr.-mik qaffariarlutik.

1 mio. kr. filmiliortartut atugaannut pitsanngorsaanermut, tassani filmværkstedemik pilersitsinissamut atorneqassapput.

Aamma 1 mio. kr. eqqumiitsuliortut, timersornermik aaqqissuussanut atatillugu, soorlu ammaanersiornermi allanilu assigisaanik aaqqissuinerni, angalanermut aningaasartuutaannut matussusiinermi atorneqassapput.

Kiisalu aningaasaliissutit isiginnaartitsisartut imaluunniit isiginnaartitsisartut ataatsimoortut suliniutaannut tapiinermi atorneqassallutik. Tapiissutit akissarsiutigalugu eqqumiitsuliortut eqqumiitsuliornikkut qaffasissusilimmik eqqumiitsulioriaatsip pineqartup iluani sulialinnuunerusoq tapiissutitut tunniunneqartassapput.

Maannangaaq Namminersorlutik Oqartussat kulturimut aningaasaliissutaannut qinnuteqartoqarsinnaavoq 15. November 2018 tungaanut. Qinnuteqarneq www.sullissivik.gl –imi immersugassat atorlugit pissaaq. Qinnuteqartoq Namminersorlutik Oqartussat kulturimut aningaasaliissutinut malittarisassat malittarisassat malinnerisigut tapertissinnaavoq.

Paasisaqarnerorusukkaanni attavissaq tassaavoq: Kulturimut siunnersorti Mika Lyberth, Ilinniartitaanermut, Kultureqarnermut Ilageeqarnermullu Naalakkersuisoqarfik, Toqq. +299 34 57 44, mlyb@nanoq.gl