Kalaallit Nunaat – Alaskallu Reykjavikimi Arctic Circleqarnerani ataatsimuualaartut

Naalakkersuisut, Amerikarmiut senatoriat Lisa Murkowski Alaskameersoq, Issittumi Naapeqatigiittarneq politikkikkut ataatsimoorfik annerpaaq ukiut tamaasa pisartoq, isumassarsioqatigiittartut Washington, D.C.-meersut Woodrow Wilson Center peqatigalugit ilasseqatigiinnissamut Arctic Circlelip Reykjavikimi ingerlanneqarnerani qaaqqusisuusimapput. Kalaallit Nunaanniit Alaskamiillu peqataatitaqarlutik pingaarutilinnik aamma ilaqarlutik.  

 

Naapeqatigiinneq Kalaallit Sinniisoqarfianit Washington, D.C.-imeersunit aaqqissuunneqarpoq amerikarmi suleqatit peqatigalugit kalaallit alaskarmiullu Arctic Circlemi peqataasut katersornissaat siunertaralugu. Kalaallit Nunaat Alaskalu Issittoq eqqartorneqartillugu arlalinnik soqutigisaqaqatigiipput. Kalaallit Nunaat Alaskalu nunat marluullutik aalisarfissuupput pingaarutilerujussuit, tamarmik nunap pissarititaanik isumalluuteqarlutik, ileqqunik kulturikkullu pisuussuteqarluarlutik Issittumilu soqutigisanik amerikami politikkikkut oqalliffinni qaffassaanissamut suleqatigiillutillu pitsanngorsaanissamut kissaateqarlutik.

 

Aaqqissuussaq Kalaallit Nunaanniit Alaskamiillu peqataasunut periarfissiipput qaninnerulernissamut kiisalu qanimut akunnerminni ilinniarnissamut. Peqataasut arlallit nunanit taaneqartunit aggersut imminnut ilisarisimalereersimapput ukiorpassuanngortuni suleqatigiittarnermikkut, taamaakkaluartoq pingaaruteqarluinnarpoq ataavartumik attavigiittarnissaq suleqatigiinnerup attatiinnarnissaanut. Amerikami senatori Alaskameersoq, Lisa Murkowski iluaqutaavoq illersortitut suleqatissatullu Issittumi politikkikkut qaammarsaalluni eqqartugassanut tunngatillugu. Oqalliffiit assigalugit

Issittumi Napeqatigiittarnerup aamma sulissutigaa Issittumi pingaarutillit eqqartugassat qaffasissumik inissinneqartarnissaat USA-mi kiisalu Woodrow Wilon Centerimi Kalaallit Nunaata suleqatigiinnissamik sulissutigisimavaa qulequtserlugu ”Kalaallit Nunaata Naapeqatigiiffii” ingerlanneqassallutillu 2019 tikillugu.

 

Naalakkersuisuniit peqataatinneqarpoq Nunanut Allanut Naalakkersuisoqarfimmi pisortaq Kenneth Høegh, Inatsisartuniillu Nunanut Allanut Sillimaniarnermullu ataatsimiitsitaliami siulittaasoq, Aleqa Hammond (NQ).

 

Paasisaqarnerorusukkuit, attavigiuk aallartitaqarfimmi allatsi, Rebecca Joy Lynge, oqarasuaat + 1 202 431 1610, email: rejl@nanoq.gl

 

Rachel Kallander, Issittumi Naapeqatigiittarfimmi aqutsisuuneq, oqarasuaat, +1 206 334 4618, email: rachel@kallanderassociates.com

Arctic Circle Assemblymi siulittaasoq Islandimilu presidentiusimasoq Ólafur Ragnar Grímsson

 

Amerikarmiut senatoriat Lisa Murkowski Alaskameersoq 





 

Woodrow Wilson Center Polar Initiativemi Pisortaq Mike Sfraga 

Alaskamioq Byron Nicolai takutitsisoq 





 

Nunanut Allanut Naalakkersuisoqarfimmi pisortaq Kenneth Høegh